Hevserokê KCD’ê Berdan Ozturk têkildarî komploya navneteweyî ya li dijî Rêberê PKK’ê Abdullah Ocalan ku bi derxistina wî ya ji Sûriyeyê dest pê kiribû axivî û wiha got: “Heta tecrîd bi dawî dibe em ê nesekinîn. Banga me ji bo her kesî ew e ku di 9’ê Cotmehê de bên Amedê.”
Rojnameger Ekrem Berekat yek ji şagirtên rojnameger Seyît Evran e, diyar kir ku Evran ji bo hemû rojnamegerên Çapemeniya Azad bûye çirayek û wiha got: “Herdem digot ‘herkes dikare bibe rojnameger lê hemû kes nikare bibe rojnamegerê şoreşger.’ Gelek rojnamegerên şoreşger gihand.”
Girtiya nexweş Selver Yildirim nayê tedawîkirin lewma xetere heye ku çavên xwe winda bike.
Hevseroka DFG'ê Dîcle Muftuoglû, diyar kir ku ji ber ku rojnamevaneke kurd e 5 meh in girtiye û got: "Tu dîwar dê nikaribin me ji pîşeya me dûr bixin."
Endamên Komîsyona Girtîgehan a Şaxa OHD'a Mêrsînê ku çûn Girtîgeha Aksarayê ya Tîpa T'yê, ragihandin ku dermankirina girtiyên nexweş tê astengkirin, berdana girtiyan bi zextên dozger û derûnasê girtîgehê bi pirsên wekî "Gava tu ji girtîgehê derkevî tu yê daxilî nava siyaetê bibî yan biçî çiyê? Fikra te ya der barê Abdullah Ocalan de çi ye?" tê astengkirin.
Gundê Kiwexê yê êzidiyan ku tê texmînkirin xwedî dîrokeke hezar û 200 sala ye, di hedefa dewletê de ye. Bi meha ye propagandaya “Êzidî vedigerin gundê xwe” tê kirin lê belê li gund tu êzidî najîn û di bin navê turîzmê de pêşkeşî sermayeyê tê kirin.
Îbrahîm Çoban, birayê Kubra Çoban a 14 salî ku di pîrozbahiya alîgirên AKP'ê de birînda bû û piştî 4 mehên tedawiya li nexweşxaneyê jiyana xwe ji dest da bertek nîşan da û got ku heke tedbîr bihatina girtin wê wisa nebûna.
Seyrî Îpek got ku bi çalakiyên “Hûn Nikarin Roja Me Tarî Bikin” re xeleka berxwedanê hatiye avakirin û komploya navneteweyî bi saya sekna Rêberê PKK’ê Abdullah Ocalan vala hatiye derxistin.
Polîsan di saetên serê sibê de bi ser şaredariyên Seyhan û Çûkûrovayê yên CHP’ê de girtin.
Serokê AKP’ê yê Rêya Armûşê yê berê Mûrat Beşeng û xizmên wî mala cîranê xwe gulebaran kirin û Goksel Bîrîk kuştin. Cenazeyê Bîrîk li Taxa Şûşanisê hate veşartin.
Li Silêmaniyê 2 bira rastî êrişa çekdarî hatin, yek ji wan jiyana xwe ji dest da.
Parlementerê Partiya Çepên Kesk ê Rihayê Omer Ocalan ku bi malbatan re civiya, got: "Heya birêz Ocalan û Kurdistan azad bibe dê têkoşîna me bidome."
Dadgeha Bilind, di doza Parka Geziyê de Osman Kaval û Can Atalay jî di nav de cezayên li 5 kesan hatibû birîn erê kir û der barê Mucella Yapici û 2 kesên din de jî biryara berdanê da.
Serokê AKP'ê yê Rêya Armûşê yê berê Mûrat Beşenk, mala cîranên xwe gulebaran kir. Di gulebaranê de kesek jiyana xwe ji dest da. Şahidan got: "Gava AKP'iyan malê gulebaran kirin 4 wesayîtên zirxî li wir bûne."