Serokê AKP'ê yê Rêya Armûşê yê berê Mûrat Beşenk, mala cîranên xwe gulebaran kir. Di gulebaranê de kesek jiyana xwe ji dest da. Şahidan got: "Gava AKP'iyan malê gulebaran kirin 4 wesayîtên zirxî li wir bûne."
Li Qoserê 3 ciwanên ku di avêtina ser malan de hatin binçavkirin, hatin girtin. Hat diyarkirin ku "îfadeyên berê hatine amadekirin" bi her sê ciwanan dane îmzekirin.
Hevserokê BEKSAV'ê Ahmet Ûçar li Balafirgeha Sabîha Gokçenê hat binçavkirin.
MED TUHAD – FED dê di 30’yê îlonê de Kongreya Asayî ya 2’yemîn li dar bixe û banga beşdariya kongreyê kir.
Li Bûrsayê 4 siyasetmedar û rojnamevan Emrah Çaçan ku dihatin darizandin, li her yekê wan salek û 6 meh ceza hat birîn.
Girtiyê nexweş Ulaş Denîz ku li Girtîgeha Hejmar 1 a Kandira ya Kocaeliyê dihat ragirtin, piştî astengkirina 6 mehan hate tehliyekirin.
Danişîna Doza Kobanê bi parastina siyasetmedar û parêzeran berdewam dike. Parêzer Erhan Urkut got beyanên şahidên veşarî li dijî hiqûqê ye û nabe ku gumana maqûl bibe sedema girtinê.
AYM biryar girt ku wê serlêdana şexsî ya parlamenterê girtî Can Atalay di 5’ê cotmehê de lêkolîn bike.
Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 31 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Hevseroka KCKD-E Zubeyde Zumrut diyar kir ku dê di 74 saliya Rêberê PKK'ê Abdullah Ocalan de, li 74 deverên cuda yên cîhanê li ser pêyan bin û got: "Di 10'ê cotmehê de li ber Konseya Ewropayê bi tevlibûna 500 kesî dê çalakiyeke ku 4 rojan bidome bê lidarxistin."
Belgefîlma “Hukmê Qanûnê” jî di bernameya Festîvala Fîlmên Porteqala Zêrîn a Antalyayê de cih digire. Li ser vê yekê Wezareta Çand û Turîzmê ji festîvalê vekişiya.
Li gundê Bana ku zêdeyî 2 meh in di bin dorpêçê de ye, vê serê sibehê leşkeran avêt ser malan.
Bafil Talabanî bi piraniya dengan dîsa weke Serokê YNK’ê hate hilbijartin.
Hevalên Denîz Bulbun diyar kirin ku ew bi sekna xwe ji wan re mînak bû û wî wek “evîndarek Kurdistanê bû” pênase kirin û bertek nîşanî xemsariya PDK’ê ya li hember êrişan dan.
Siyasetmedar Nûrsel Aydogan diyar kir ku li Tirkiyeyê di serî de meseleya kurd navnîşana çareseriya hemû pirsgirêkan Îmralî ye û got: "Ger deriyên Îmraliyê vebin, dê deriyên serdemeke nû jî vebin."