DEM Partiyê bi munasebeta salvegera qetlîama li dijî malbata Dedeogullari de kesên jiyana xwe ji dest dabûn, bibîr anî û diyar kir ku heta kesên ev qetlîam daye kirin bên darizandin em ê têbikoşin.
Wezîrê Dadê Yilmaz Tûnç, têkildarî komîsyona ku dê li Meclisê bê avakirin got: "Em ê di warê teknîkî de piştgiriyê bidin biryarên Meclisê."
Li Nexweşxaneya Perwerdehî û Lêkolînê ya Mêrdînê, ji ber nexebitandina klima nexweş mexdûr in, xizmên nexweşan bi derfetê xwe, xwe hênik dikin.
Şîna ku ji bo Firat Bayrak ê HPG’î li navçeya Silopiyayê hate danîn, bi girseyî hate ziyaretkirin.
Hevşaredarê Şaredariya Tetwanê Mumîn Erol diyar kir ku sal û nîveke li dijî texrîbata ku qeyûm û AKP'ê çêkirine têdikoşin û got ku ew ê tevî gel bajêr bi rê ve bibin û pirgsirêkan çareser bikin.
Ayşe Kazanhan, dayika Nihat Kazanhan ê ku di 12 saliya xwe de hat qetilkirin, anî ziman ku komîsyona ku dê li Meclisê were avakirin divê ji bo zarokên hatine qetilkirin doza edaletê bike û got: "Bêyî edaletê aştî nabe."
Keşeyê Dêra Protestan Ender Peker ku yek ji beşdarên "Konferansa Girîngiya Yekîtiya Neteweyî ya Kurd" bû got: "Ger em yekgirtî bin, em ê bihêz bin. Ger em bihêz bin, aliyê din dê guh bide me." Endama DÎK'ê û Hevseroka DADEN'ê Sabahat Înal Acarê jî got: "Dermanê Kurdistanê yekîtî ye."
Têkildarî "Banga Aştî û Civaka Demokratîk" a Rêberê Gelê Kurd Abdullah Ocalan, Serokê Giştî yê PSAKD'ê Cuma Erçe, destnîşan kir ku Elewî parçeyeke esasî yê pêvajoyê ne.
Nûnerên rêxistinên civaka sivîl yên li Wanê diyar kirin ku ev pêvajo derfeteke sedsalekê ye û divê demildest komîsyon were avakirin da ku pêvajoyê di warê qanûnî de misoger bike.
Karkerên ku ji ber çalakiyên sendîkayî û daxwazên aştiyê ji kar hatin avêtin, neh sal in li benda vegera li ser kar in. Guven Boga got: "Daxwaza aştiyê sûc nîne. Tevî beraetan jî, daxwazên vegera li ser kar tên redkirin."
Li gelek taxên Rihayê di çarçoveya “Pêvajoya Aştî û Civaka Demokratîk” de civînên gel hatin lidarxistin.
Di lêpirsîna li ser teşhîrkirina cenazeyên tazî yên 2 jinan ji aliyê leşker û polîsan ve di dema qedexeyên derketina derve yên li Cizîrê de biryara 'neşopandinê' hat dayîn.
Li gorî kampanyaya ‘Sêşema Na ji Cezayê Darvekirinê re’ heftiya borî 20 girtî li Rojhilatê Kurdistan û Îranê hatin darvekirin.
ÎHD’ê, di nameya ku ji bo girtiya nexweş Hatîce Onaranê ji Wezareta Dadê re şand, wiha got: “Divê binpêkirinên mafên girtiyên nexweş bê dawîkirin, ev zerûretek e nayê taloqkirin.”