Namzetê parlamenteriyê yê Partiya Çepên Kesk ê Îdirê Yilmaz Hûn destnîşan kir ku hemû kes ji parastina sindoqan berpirsyar e û wiha got: “Karê îktîdarê dizî ye lewma divê ji ewil em biçin ser sindoqan û heta dawiya rojê neterikînin û biparêzin.”
Li navçeya Bazarcixa ji ber rabûna bahozê gelek konteynir û konan zirar dîtin, herî kêm 20 mexdûran erdhejê birîndar bûn.
Li navçeya Pîran a Amedê bi boneya Cejna Remezanê serdana goristanê hate kirin.
Welatiyên ji Amedê diyar kirin ku ji ber polîtîkayên îktidarê ew nikarin ne şekir û ne jî cil û bergê cejnê bikirin û gotin: “Kes nikare tiştekî bikire. Ji feqîran re cejn û kêfxweşî nîne. Em ê di cejna pêşiya me de bê Tayyîp pêşwazî û derbas bikin.”
HPG’ê bi daxuyaniyekê îdiaya Wezareta Parastinê ya Tirkiyeyê ku digot; “6 PKK’î hatin kuştin” derewand.
ÎHD’a Enqereyê diyar kir ku li girtîgehên herêma Anatoliyê Navîn di sê mehên dawî 13 girtiyan canê xwe ji dest daye û 52 girtî bi îşkenceyê re rûbirû mane û 32 girtî jî berdana wan hatiye astengkirin.
Welatiyên Wanê diyar kirin ku ji ber polîtîkayên aboriyê yên îktîdarê nekarîne danûstandina cejnê bikin û wiha gotin: “Sedema krîza aborî Erdogan e. Em ê di 14’ê Gulanê de bersiva pêwîst bidin wan.”
Kesên bi boneya Cejna Remezanê serdana gora Denîz Poyraz a di avahiya Rêxistina HDP’a Îzmîrê de hate qetilkirin, kirin wiha gotin: “Heta ku kesên li pişt kujer disekinin hesabê nedin em ê dest ji têkoşîna xwe bernedin.”
Rêxistina Partiya Çepên Kesk a Semsûrê bi boneya roja erefeyê çû serdana gorên kesên di têkoşîna azadî û demokrasiyê de jiyana xwe ji dest dane û qurbaniyên erdhejê.
Di erefeya cejna remezanê de li Semsûra ku di erdhejê de gelek kesan lê jiyana xwe ji dest dan welatî herikîn goristanan û dengê qêrîn û hawaran olan da.
Malbata Şenyaşar bi boneya roja erefeyê çû serdana gorên endamên malbata xwe yên hatin qetilkirin. Destûr nehat dayîn ku Ferît Şenyaşar li ser goran daxuyaniyê bide û Şenyaşar wiha got: “Îktîdara ku vê zilmê dike li ber têkçûnê ye. Em li benda 14’ê Gulanê ne.”
Balafirên şer ên aydê artêşa dewleta tirk gundê navçeya Amediyê ya Herêma Kurdistana Federe bombebaran kirin.
Li febrîqeya mobîlyayê ya navçeya Akdenîzê şewat derket û di dema vemirandina agir de banê febrîqeyê hate xwarê û 4 kesan jiyana xwe ji dest dan. Ji bo rizgarkirina karkerekî jî xebat berdewam in.
Hevserokên Giştî yên HDP’ê û Hevberdevkên Partiya Çepên Kesk ên bi peyamekê Cejna Remezanê pîroz kirin wiha gotin: “Em di wê baweriyê de ne ku em ê vê cejnê di 14’ê Gulanê de veguherînin cejna duyemîn.”
Wezareta Dadê têkildarî astengkirina hevdîtinên Abdullah Ocalan ên bi malbat û parêzeran re nêrînên xwe bi AYM’ê re parve kir. Wezaretê ev îdia kirin: “Miameleya xerab tune ye. Ji ber sedemên ne bi destê me, hinek kêmanî derdikevin û ev yek jî tiştekî maqûl e.”