Desteya Kar û Barên Civakî ya Rêveberiya Xweser Meryem El Îbrahîm destnîşan kir ku rewşa taxên Şêxmeqsûd û Eşrefiyê ji ber dorpêça hikumeta Şamê zehmettir dibe û bang li NY'yê kir ku şandeyeke navneteweyî bişîne wan herêman.
Di meha nîsanê de di êrişên DAIŞ`ê de û ji ber mayinên bermahiyên şer, li Hemayê 54 kes hatin kuştin.
Serokê AKP’ê yê Sûrê Davût Yildiz û pismamê wî Midurê Karên Fenê yê Şaredariya Sûrê Mehmet Yildiz qoliyên alîkariyê yên AFAD’ê ji ber erdhejê ji bo kesên hewcedar ên li Amedê amadekirine li xizmên xwe belav kirin.
Êrişên li dijî Zap, Metîna û Avaşînê yên bi ser başûrê Kurdistanê ve salek li pey xwe hiştin. Tevî bikaranîna çekên kîmyewî encama dihat xwestin jî nehat bidestxistin.
Endama Meclisa Tenduristiyê ya HDK’ê Leyla Kalin a qala bandora tecrîda li Îmraliyê ya li ser tenduristiya civakê kir, rexne kir ku partiyên siyasî û tifaq tecrîdê naxin nava bernameyên xwe yên hilbijartinê û wiha got: “Divê tecrîdê bixin nava bernameyên xwe. AKP ji ber vê yekê winda dike.”
Rihayiyên bi vê hilbijartinê re êdî guhertinê dixwazin wiha gotin: “Elbet em ê ji bo edaletê dengê xwe bidin Partiya Çepên Kesk.”
Namzetê parlamenteriyê yê Partiya Çepên Kesk ê Şirnexê Mehmet Zekî Îrmez ê bi salan di qada ziman, mafê mirovan û perwerdehiyê de têkoşiya wiha got: "Em ê 14’ê Gulanê bikin roja hesabpirsînê. Em ê 15’ê Gulanê hem Cejna Zimanê Kurdî û hem jî serkeftina 14'ê gulanê bi hev re pîroz bikin."
Li Alanyayê komekê êrişî otobûsa rêwiyan a aydê firmaya Êlihê kirin. Di êrişê de 3 kes birîndar bûn.
Rojnamevan Gulşen Koçûk di çarçoveya du lêpirsînên derbarê wê de tên birêvebirin hate binçavkirin. Koçûk, piştî îfadeya xwe ya dozgeriyê hate berdan.
Dayikên Şemiyê yên ku di çalakiya xwe ya hefteya 943’yemîn de li Qada Galatasarayê bi êrîşa polîsan hatin binçavkirin, diyar kirin ku hatine derbkirin, gef li wan hatiye xwarin û polîsan hewl daye destên wan bişikînin.
Li navçeya Bazarcixê piştî bahoza rabûyî yek jê zarok du kesên din ên giran birîndar bibûn jiyana xwe ji dest dan.
Balafirên şer ên artêşa tirk gundekî navçeya Amediyê ya Duhokê bombebaran kir.
Partiya Çepên Kesk, bi tevlibûna sedan jinan li Tetwan û Dêrsimê buroyên hilbijartinê yên jinan vekirin. Jinan di vekirinê de peyam dan ku wê bi dirûşmeya “Jin jiyan azadî” jiyaneke azad û nû ava bikin.