Wêjevanê îskoçyayî James Kelman diyar kir ku revandina Rêberê PKK’ê Abdullah Ocalan ji komployê wêdetir karê “holdînga cîhanî” ye û ji bo muzakereyek rastî divê tecrîda ji ser Ocalan bê rakirin.
HDP’ê têkildarî operasyona binçavkirinê ya îro di danê sibehê de ku zêdetirî 100 kes hatin binçavkirin de daxuyanî da û wiha got: “Ev operasyon ji bo dizîna sindoqan û îradeya gel hatiye kirin.”
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Midûriyeta Girtîgeha Îmraliyê dan.
Serokê Baroya Amedê Nahît Eren têkildarî operasyona binçavkirinê ya li dijî rojnameger, parêzer, siyasetmedar, şanoger û nûnerên rêxistinên civaka sivîl axivî û wiha got: “Em nikarin bibêjin vê operasyonê têkiliya xwe bi rojeva welêt nîne û bi serê xwe hatiye kirin. Wisa xuyaye ku ev operasyon ji bo çavtirsandina hilbijêrên kurd hatiye kirin.”
Parêzer Îshak Demîr diyar kir ku berdana girtiyên siyasî yên di Girtîgeha Bolû ya Tîpa F'yê de bi awayekî kêfî tên astengkirin û got ku girtî wekî rehîne tên girtin.
Namzeta parlamenteriyê ya Meletiyê ya Partiya Çepên Kesk Tulay Şakar, ji bo civîna bi gel re bang kir û got: "Em bi hev re di bin kavilan de man û kesî dengê me nebihîst. Werin tevlî civîna me bibin û qêrîn û bertekên xwe li dijî vê xemsariyê nîşan bidin."
Li Meletiyê ku mexdûrên erdhejê ji bêgavî di konan de ne, bi armanca "zîndekirina bazirganiyê" bi hezaran konteyner ji esnafan re hatin şandin.
Di demekî ku bo hilbijartinên serokkomarî û yên giştî 19 roj mayîn de îro di danê sibehê de li 21 bajaran bi ser malên gelek rojnameger, siyasetmedar, parêzer û hunermendan de hate girtin. Di serdegirtinan de gelek kes hatin binçavkirin.
Tirkiyeyê bi obusan êrişî gundê Elebidê yê Til Temirê kir. Di êrişê de 2 zarok hatin qetilkirin û 3 zarok jî birîndar bûn.
Panela bi navê “Ji bîr neke hevrû bibe, 1915” ku Meclisa HDK’ê ya Enqereyê xwest li dar bixe, piştî ku Serokê Giştî yê Partiya Zafer Umît Ozdag hedef nîşan da ji aliyê Walîtiya Enqereyê ve hate qedexekirin.
Tevî hişyariyên ji bo tevdîrên felaketa lehiyê jî konbajarê ku ji aliyê walîtî û şaredariya Amedê ve li Geliyê Dîcleyê hatibû avakirin, hat rakirin.
Seroka Giştî ya ÎHD’ê Eren Keskîn bal kişand ser salvegera Qirkirina Ermenan û ev bang kir: “Qirkirinê nas bike, lêborînê bixwaze, tezmîn bike.”
Rêxistina Partiya Çepên Kesk a Semsûrê di çarçoveya serdanan de bi namzetên parlamenteriyê yên bajêr ve serdana Cemxaneya Yûnûs Emre û Şaxa Weqfa Çandê ya Hacibektaşi Velî ya Semsûrê kirin.
Partiya Çepên Kesk starta mitîngên hilbijartinê li Colemêrgê da. Tevî baran dibariya jî bi hezaran kes kom bû û peyama “Bêguman rewşa me biqûdret e.” hat dayîn.