Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Midûriyeta Girtîgeha Îmraliyê dan.
Hat ragihandin ku li herêma Zapê di navbera leşkerên tirk û endamên HPG’ê de şerê dijwar diqewimin.
Li Wanê hat îdiakirin ku leşkerê bi navê Omer Cînkara ku bi peymanî dixebitî, di encama “qezaya sîlehê” de miriye.
Benzîn û mazot li ser hev tê bihakirin. Fiyeta benzînê 2,04 lîre hat bihakirin.
Tecrîda mutleq a li ser Rêberê PKK’ê Abdullah Ocalan ket meha 29’emîn. Di nava vê demê de 426 serlêdanên hevdîtinê bêbersiv an jî bi hinceta cezayên “dîsiplînê” hatin redkirin.
Rojnamevan Kurdo Baksî diyar kir ku Serokkomarê AKP'î Tayyîp Erdogan destvala ji Civîna NATO'yê vegeriyaye û got ku li Swêdê îadekirina kurdan nehatiye nîqaşkirin.
Endamê Desteya Rêveberiya Navendî ya DBP'ê Okkeş Kava diyar kir ku tecrîda li ser Rêberê PKK'ê Abdullah Ocalan gihîştiye asteke din û bang li gelekan kir ku li dijî tecrîdê rabin.
Di doza der barê Parlamentera Partiya Çepên Kesk a Şirnexê Newroz Ûysal de biryara beraetê hatibû dayîn. Piştî biryara beraetê dozgeriyê îtiraz kir û serî li Dadgeha Îstinafê da.
Parlamentera Partiya Çepên Kesk a Êlihê Zeynep Odûncû diyar kir ku tecrîda li ser Rêberê PKK’ê Abdullah Ocalan tê sepandin “Sûcê mirovahiyê ye” û wiha got: “Divê ev bêhiqûqî bi dawî bibe.”
Zimanzan Samî Tan diyar kir ku ji ber polîtikayên pişaftinê zimanê kurdî di nav nifşên nû de kêm tê axaftin û wiha got: "Hezên demokratîk ku di warê ziman de xebatan dikin û doza vî zimanî dikin divê daxwaza dewletê ya tunekirina ziman di qirika wan de bihêlin."
Nûçegihanên ajansa me Firat Can Arslan û Delal Akyuz û rojnamevan Sîbel Yukler di serdegirtinên malên xwe yên li Enqere û Îzmîrê de hatin binçavkirin.
Li Çiyayê Sipêrezê yê di navbera gundên Tilorana Jêr û Tilorana Jor ên Geverê de ye, operasyona leşkerî dest pê kir. Hat hînkirin ku ji herêmê dengê çekan tê.
Welatiyên ku beşdarî civîna gel bûn, bertek nîşanî tecrîda li ser Rêberê PKK'ê Abdullah Ocalan dan û gotin ku divê hîn bêtir bibe rojev.
Gerînendeyê Weşana Giştî yê Amed Radyo Ferat Mehmetoglû li ber Walîtiya Amedê nerazîbûn nîşanî dizîkirina kabloyên radyoya xwe ku ev cara şeşemîn e pêk tê da û xwest tedbîr bên girtin.