Hevberdevkê Partiya Çepên Kesk Îbrahîm Akin di komcivîna partiya xwe de axivî û bal kişand zext û operasyonên li dijî xelkê bakurê Kurdistanê tê kirin û got "Xelkê me yê Xîzanê mehek e nikare baxçeyên xwe av bide û derkeve derve. Bombeyan bi ser axa xelkê ve tên barandin."
Di erdheja li Edeneyê pêk hatiye de hat daxuyandin ku 8 kes birîndar bûne.
Komeleya Rojnamevanan a Kurdistanê binpêkirina azadiya fikir û çapemeniyê yên li Tirkiye û başûrê Kurdistanê şermezar kir.
Piştî şerê li dijî herêmên Avaşîn, Zapê û Metînayê dijwar bû, li Fermandariya Leşkerî ya Çiya û Komando ya Colemêrgê jî trafîka ambulansan gelek zêde bû.
Polîsan avêt ser mala edîtora Bianetê Evrîm Kepenek, kelemçe li destê wî dan û wê kirin binçavan.
Li bajarê Merîwanê agir bi daristanan ket. 7 aktîvîstên kurd ku ji bo mudaxileya şewatê çûn herêmê, mayîn bi wan ve teqiya û bi giranî birîndar bûn.
Şaxa ÎHD’a Îzmîrê daxuyand ku li girtîgehên herêma Egeyê di salek dawî de 785 binpêkirinên mafan qewimîne.
DEDAŞ’ê ji sedî zêdetir karkerên ji bo mafên xwe yên kesane çalakiyê dikin, bi hinceta “kod 49” ya ku “nekirina kar a bi israr” ji kar derxist. Heman kod pêşî li tazminata kidem û îxbarê digire, mûçeya betaliyê jî asteng dike.
Piştî li Çiyayê Sipêrêzê yê Geverê operasyona leşkerî hat destpêkirin, leşkeran çûna bêrîvanan a zozanan asteng kir û şivanekî bi darê zorê birin herêma operasyonê.
Li navçeya Xîzanê li herêma ku 12 rojan operasyona leşkerî lê berdewam kir, ji hewayî vê bênavber tê bombebarankirin.
Xebatkarê PTT’ê Berran Kirmizigul dema li belavkiariyê bû ji ber germa xwîn çû ser mêjiyê wî û jiyana xwe ji dest da.
Ji ber tirsa erdheja li Kozanê ya bi pileya 5.6 pêk hatiye, li Osmaniyeyê 2 kes xwe ji şaneşînan avêtin xwarê û birîndar bûn. Ji ber kevirên ji çiyayan hatine xwarê jî, rêya Kozan-Fekeyê ji çûnûhatê re hate girtin.
Hat zanîn ku rojnamevan Dela Akyuz bi hinceta ku nûçeya tayînkirina dozger û hevjîna wî ya endama şandeya dadgehê ku îdianameya 18 rojnamevanan amade kiribûn û darizandin, belav kiriye hatiye binçavkirin.
Hevşaredara navçeya Pirsûsa Rihayê Hatîce Çevîk a ku qeyûm li şûna wê hatibû tayînkirin, ji hemû sûcên jê dihat tawambar kiribûn, beraet kir. J bo Çevîk vegere ser wezîfeya xwe dê parêzerên wê serî li Dadgeha Îdareyê bidin.