Nîhat Akkaya yê HDP’î ji ber gotinên xwe yên têkildarî rakirina tecrîdê dihat darizandin û beraet kir. Di hinceta biryarê de hat gotin ku di îfadeyên Akkaya de tundî û gef tune ne.
Serokê YNK’ê Bafil Celal TalAbanî destnîşan kir ku bi gef, zext û dronan diyalog ligel dewleta tirk nayê kirin û got: “Hinek daxwazên Tirkiyeyê hene ku ne maqûlin, em tu carî pêk bînin.”
Danişîna ewil a doza Hevseroka DFG’ê rojnamevan Dîcle Muftuoglû ku 5 meh in girtî ye dê di 7’ê kanûnê de bê lidarxistin.
Rêxistinên HDP’ê yên Amed, Pasûr û Bismilê bi boneya sivîlên di êrişên li ser rojavayê Kurdistane de jiyana xwe ji dest dane, paçê reş bi avahiyên xwe ve daliqandin.
Li gundê Xirbetawê yê Mehsertê cerdevanê bi navê Îsmaîl Yildirim hevjîna xwe Zehra Yildirim qetil kir.
Nivîskarê kurd Mehmed Uzun di salvegera 16'emîn a wefata xwe de li ser gora xwe bi tevlibûna malbat, heval, nivîskar û rewşenbîran hat bibîranîn.
Di encama êrişên dewleta tirk ên di navbera 4-11 cotmehê li dijî Bakur û Rojhilatê Sûriyeyê de 2 jê zarok bi giştî 47 kesan jiyana xwe ji dest dan.
Siyasetmedara Ayla Akat Ata di Doza Kobanê de der barê îdiayên li ser xwe de axivî û got: “Daraz ne muxatabê min e, siyasetmedar muxatabê min in. Ez ewlada vî gelî me, jinek kurd im. Bi salane em li dijî tunehesibandinê têdikoşin.”
Şêniyên gundê Kabê ya bi ser navçeya Sûrê ve ji ber 5 roj in ava wan hatiye birîn, rê li trafîkê girtin.
Li gorî rapora OHD’ê ya têkildarî biryarên taloqkirina înfazê yên Lijneya Rêveberî û Çavdêriyê (ÎGK) ya Girtîgeha Jinan a Sîncanê, lîmona ji bo paqijkirina kilsê xistin hundirê semawerî weke hinceta taloqkirina înfazê hatiye nîşandan.
Di doza êrişa li dijî Rêxistina HDP’a Stenbolê de şandeya dadgehê derheqê êrişkar Mehmet Bayezît de biryara destgîrkirinê hate dayîn.
Li Dêrikê û Kobanê 12 endamên Hêzên Têkoşîna Dijî Madeyên Hişbir ên Ewlekahiya Hundirîn ên di bombebarana balafirên şer ên Tirkiyeyê de hatibûn kuştin, bi merasîmên girseyî hatin veşartin.
Di doza Parlamentera Partiya Çepên Kesk Halîde Turkoglû de ji bo rawestandina darizandinê dê li benda bersiva Meclisê bê sekinîn.
Nasnameya endamekî HPG’ê ku di pevçûna li çolterê Omeriyayê jiyana xwe ji dest dabû hate teşhîskirin. Ji bo teşhîskirina cenazeyê din, malbatê mînaka xwînê da.
Serokê Baroya Rihayê Abdullah Oncel diyar kir ku dê derheqê kesên bêyî hincetekî nîşan bidin û ji bo dersînorkirina penaberan belgeyên sexte amade kirin serlêdana sûc bikin.