Di civînên gel ên li navçeyên Wanê hatin lidarxistin de, bal kişandin ser tecrîda li ser Rêberê PKK’ê Abdullah Ocalan a kurkirî û wiha hate gotin: “Em êdî azadiya fizîkî ya birêz Ocalan dixwazin û em ê ji bo vê bixebitin.”
Di Doza Kobanê de mîkrofonên parêzerên dixwestin siyasetmedarên dema wan a girtîmayînê tije bûne bên berdan hatin girtin. Siyasetmedar Dîlek Yagli diyar kir ku bangawaziyên îro ji bo Filistînê tên kirin wê demê ji bo Kobanê dihatin kirin. Rûniştina yekemîn a danişîna 40’an a Doza Kobanê ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên kurd bi hinceta bûyerên 6-8’ê Cotmeha 2014’an tê de tên darizandin, li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê dest pê kir.
Der barê nûçegihanê me Ahmet Kanbal de bi îdiaya “propaganda rêxistinê” doz hat vekirin. Di îdianameyê de wêneyek ku nehatiye parvekirin, mîna ku hatibe parvekirin hat nîşandan.
Di encama êrişa dewleta tirk a bi SÎHA’yan a li dijî gundê Boskênê yê Ranyayê de 3 sivîl birîndar bûn.
Girtiyê siyasî yê kurd ê ji Mahabadê Qasim Abeste piştî 14 salên di girtîgehê de îro li Qazalhasar a Karajê ji hêla rejîma Îranê ve hate bidarvekirin.
Artêşa Îsraîlê ragihand ku di serdegirtinên malan ên li Şerîa ya Rojava de aktivîsta filistînî Ahed Tamîmî binçav kiriye.
ÎHD’ê 21’emîn Lijneya Giştî li dar xist û Emîre Eren Keskîn û Huseyîn Kuçukbalaban weke hevserokên giştî yên nû hatin hilbijartin.
Hevserokên Giştî yên HEDEP’ê Tuncer Bakirhan û Tulay Hatimogûllari diyar kirin ku di Doza Kobanê ya komployê de siyaseta demokratîk tê darizandin û gotin: “Divê doz were bidawîkirin û hemû hevalên me yên girtî tavilê bên berdan.”
Ji Komîsyona Mafên Zarona a Baroya Mêrdînê parêzer Ciwan Ortaç diyar kir ku berdana çawişê pispor ê li Nisêbînê tacîzî 4 zarokan kiriye li dijî hiqûqê ye.
Dayika lîstikê Amedsporê Oktay Aydin, Fatma Aydin bi hinceta "Sirûda Îstîklalê" nexwendiye hat binçavkirin û piştî îfade da polîsan hat berdan.
Dayikên Aştiyê yên beşdarî konferansa DBP’ê bûn gotin: “Em rêbertiya xwe dixwazin. Bila pê re hevdîtin were kirin. Heke ew derkeve wê aştî were.”
Welatiyên beşdarî konferansa DBP’ê bûn banga tevlibûna Meşa Gemlîkê ya dê di 18’ê mijdarê de bê lidarxistin kirin û gotin: “Ev meş meşa azadiyê ya kurdan e. Werin em berê xwe bidin Gemlîkê û bimeşin Îmraliyê. Divê tecrîd bê rakirin, Ocalan dikaribe bi rola xwe rabe.”
Şanar Yurdatapan ku ji îmzevanên deklarasyona “Banga Aştiyê” ye diyar kir ku li holê ne “pirsgirêka kurd”, “pirsgirêka tirk” heye û bang li her aliyên muxalîf kir ku xwedî li deklarasyonê derkevin.
Hejmara Rojnameya Xwebûnê ya 203’an bi manşeta “Ha Erdogan ha DAIŞ” derket pêşberî xwînerên xwe.