Endamê Komîteya Têkiliyên Derve ya Kampa Mexmûrê Bêwar Unver nûçeya “PDK û artêşa Iraqê li hev kir” derewand û wiha got: “Ji ber têkiliyên xwe yên bi Tirkiyeyê re, em naxwazin PDK li vir be. Hatina PDK’ê mîna hatine Tirkiyeyê ji bo dijminatiyê ye.”
Li navçeya Sokeyê 4 kes li ber lehiyê ketin û cenazeyên 2 kesan hatin dîtin.
Bi hezaran kes tev li konferans DBP’ê ya Amedê bûn.
Kader Ortakkaya dema ji bo parastina Kobanê diçû, li sr sînor ji hêla leşkeran ve hate qetilkirin. Derheqê qetilkirina Ortakkaya de lêpirsîn hate destpêkirin lê ev 9 sal in tu pêşketin nînin. Parêzer Muslum Baran got: “Dema faîl dibin hêzên ewlekariyê, polîtîkaya necezakirinê dikeve meriyetê.”
Ji îmzevanên deklarasyona "Banga Aştiyê" siyasetmedar Ahmet Farûk Unsal got ku ji bo çareserkirina meseleya kurd, divê tecrîda li Îmraliyê bi dawî bibe û got: "Em deriyên Îmraliyê vekin ku bila xwîn nerije."
Nûnerên rêxistinên pîşeyî yên rojnamevanan ji bo betalkirina "qanûna sansurê" ku dê AYM di 8'ê mijdarê de biryara xwe eşkere bike bang kirin, gotin ku bi vê qanûnê mafê nûçewergirtinê yê gel tê astengkirin.
Parêzer Cemîle Dîdem Karaboga ku bal kişand ser zêdebûna sûcên zayendî yên li hemberî zarokan, got ku gava ev sûc li pergalên wekî terîqat û cemaetan çêdibin, di warê pêwendiya bi malbatan re zor û zehmetiyê dikişînin.
Şaredarê Hezo ya Êlihê Ayhan Eren ku piştî ji HDP'ê hat bijartin bi salekê derbasî AKP'ê bû, şaredarî di nava deynan de hiştiye.
Di lêpirsîna der barê Komeleya Çand û Hunerê ya Binevşê de, ji ber strana "Şoreşgerên Gelê Me" ya hunermend Îlyas Arzû ya di telefonekê de, bi îdiaya "propagandaya rêxistinê" lêpirsîn hatibû destpêkirin. Lêpirsîna hat destpêkirin piştî salekê bi biryara "neşopandinê" bi dawî bû.
Analîza dengê ku tê îdîakirin aîdî Aktîvîsta TJA'yê Sumeyye Gok e bû sedema girtina wê. Her çiqas ew bi tawanbariya kuştina Tahîr Guven girtî ye jî lê hîna jî mesele zelal nebûye. Parêzerê Gok, Haşim Togurlu diyar kir ku pêvajo bi awayekî derqanûnî hatiye meşandin û got: "Tevî ku di raporên analîza deng ên ji aliyê leşkeriyê û ATK'ê ve hatine amadekirin de nakokî hene jî, muwekîla min nayê berdan."
Komeleya Wêjekarên Kurd, MED-DER û PENa Kurd, bi sernavê “Ji Cegerxwîn heta Arjen Arî helbesta kurmancî” û tevlibûna gelek kesan gotûbêjek li dar xist.
Şaxên Egîtîm Senê yên Şirnex, Mêrdîn, Amedê kongreyên xwe pêk anîn. Di kongreyan de hat xwestin ku ji bo zimanê zikmakî ji aliyê desetûra bingehîn ve bê mîsogerkirin û perwerde bê dayîn.
Berrîn Sari ya berdana wê du caran hate taloqkirin ji Girtîgeha Jinan a Sîncanê ku lê dihat ragirtin derket. Sari, di peyama xwe ya ewil de xwest ku xwedî li girtîgehan bê derketin.
Di daxuyaniya bi boneya salvegera tayînkirina qeyûm a li Şaredariya Qoserê hate dayîn de hate diyarkirin ku gel dê di hilbijartinên herêmî yên 31’ê Adarê de careke din ji qeyûman hesab bipirse.