Welatiyên ku tev li hevdîtina gel a li Qelqeliyê bûn diyar kirin ku azadiya fîzîkî ya Rêberê PKK'ê Abdullah Ocalan ji her tiştî girîngtir e û wiha gotin: "Divê em êdî tevahiya bedana xwe têxin bin kevirê azadiyê."
Zelîha Gun, dêya Felek û Ekrem Gun ên girtî, ragihand ku keça wê nayê dermankirin û yê kurê wê jî îdareya girtîgehê pirtûk û nameyan nadê.
Beşdarên konferansa DBP’ê diyar kirin ku navnîşana çareseriya pirsgirêka kurd Îmrali ye û xwestin tecrîda li ser Rêberê PKK’ê Abdullah Ocalan bi dawî bibe.
Yek ji parlamenterên HEDEP’ê Serhat Eren ê ji bo “hevdîtina lezgîn” a bi Abdullah Ocalan re serî li Wezareta Dadê da, anî ziman ku Wezareta Dadê neçare ku bersivê bide serlêdana wan.
Dayika Aştiyê Nebîha Acar ku birayê wê û 3 biraziyên wê girtî ne diyar kir ku bi salane zextên li ser malbata wê kêm nebûne û got: "Yek kesî nehiştine ku biçin hevdîtina van mirovan. Tenê sûcek me heye ew jî ji ber em kurd in.”
Dayikên Aştiyê yên Rihayê ku der barê tecrîda girankirî ya li ser Rêberê PKK'ê Abdullah Ocalan de axivîn bi lêv kirin ku şerê li Kurdistan û Rojhilata Navîn bi fikir û ramanên Ocalan dikare bê çareserkirin û gotin: “Azadiya birêz Abdullah Ocalan azadiya gelên Rojhilata Navîn e.”
Girtiyê nexweş Cemal Tanhan ku li Eskîşehîrê di beşa awarte de tê dermankirin, hat berdan.
Siyasetmedara girtî Dîlek Yagli ku di Doza Kobanê d eparastin kir, diyar kir ku kesê ewil di çalakiyên 6-7-8'ê Cotmehê de jiyana xwe ji dest da bi derba polîsna jiyana xwe ji dest daye û got: "Çûna ambulansê ya cihê bûyerê hat astengkirin. Ev, di girtenameyan de tespîtkirî ne. Ev xal bi tu awayî di vê dozê de nehatin nirxandin.
Li Silopiyayê ciwanê ku li Deriyê Sînor ê Xabûrê ceyranê pê girt, jiyana xwe ji dest da.
Rojnamevan Tolga Şardan piştî serlêdana parêzeran hat berdan.
487 welatiyên êzidî yên li Kampa Şaryaî ya Dihokê diman vegeriyan Şengalê.
Wezîrê Karên Derve yê Amerîkayê Antony Blinken bi Wezîrê Karê Derve yê Tirkiyeyê Hakan Fîdan re hevdîtin pêk anî. Blinken got: “Ji bo şertên adil û aştî pêk werin me hevdîtinên girîng bi welatên herêmê kirin.”
Di civînên gel ên li navçeyên Wanê hatin lidarxistin de, bal kişandin ser tecrîda li ser Rêberê PKK’ê Abdullah Ocalan a kurkirî û wiha hate gotin: “Em êdî azadiya fizîkî ya birêz Ocalan dixwazin û em ê ji bo vê bixebitin.”
Di Doza Kobanê de mîkrofonên parêzerên dixwestin siyasetmedarên dema wan a girtîmayînê tije bûne bên berdan hatin girtin. Siyasetmedar Dîlek Yagli diyar kir ku bangawaziyên îro ji bo Filistînê tên kirin wê demê ji bo Kobanê dihatin kirin. Rûniştina yekemîn a danişîna 40’an a Doza Kobanê ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên kurd bi hinceta bûyerên 6-8’ê Cotmeha 2014’an tê de tên darizandin, li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê dest pê kir.