Seroka Odeya Bijîşkan a Amedê Elîf Tûran destnîşan kir ku girtina ji peywirê ya endamên Konseya Navendî yên TTB’ê nayê qebûlkirin û got: “Em bi TTB'ê re ne ku mafê jiyan û tenduristiyê diparêz e."
Di çalakiyên “Nobeta Aştiyê” yên ji aliyê ÎHD'ê ve li gelek bajaran hatin lidarxistin de ji bo aştiya civakî banga bidawîkirina tecrîdê hate kirin.
Di doza Midûrê Berpirsyarê Karûbarên Nivîsan ê kovara Modernîteya Demokratîk Ramazan Yûrttapan û 3 nivîskarên wê tên darizandin de, dê mutala were amadekirin.
Parêzerê Doza Kobanê Ozturk Turkdogan diyar kir ku bedelê 40 salên neçareserkirina pirsgirêka kurd 4 trîlyon dolar e û wiha got: “Hêj nêzîkatiyên îdelojîk ên kevin hene. Divê dest ji van bê berdan û spasiya van mirovên li vir tên darizandin bê kirin.”
Girtî Emîn Guler ku ji sedî 90 astengdar e, bi daxwaza azadiya fîzîkî ya Rêberê PKK’ê Abdullah Ocalan û rakirina tecrîdê tev li greva birçîbûnê ya dorveger bû.
Xebatên lêgerînê yên ji bo zaroka 15 salî ku tê îdiakirin xwe avêtiye Çemê Dîcleyê berdewam in. Li hêla din tedawiya zaroka din a hatibû xelaskirin berdewam dike.
Parlamenterên HEDEP’ê têkildarî rapora ATK’ê ya ji bo Makbûle Ozer a 81 salî ku dibêje “dikare di girtîgehê de bimîne” serî li Komîsyona Lêkolînkirina Mafên Mirovan a Meclisê da.
Rêveberiya Girtîgeha bi Ewlekariya Bilind a Antalyayê ji girtiyekê dixwest tev li merasîma cenazeyê xwişka xwe bibe 135 hezar TL heqê rê xwest. Piştî malbatê got nikare vî pereyî bide, rêveberiya girtîgehê ev reqem daxist 35 hezar lîreyan.
Danişîna doza endamên Komîteya Amedekar a Newroza 2021’an a Amedê hate taloqkirin.
2 kesên duh bi şev li Nisêbînê hatibûn binçavkirin, sewqî Mûşê hatin kirin.
Cenazeyê endama YJA Starê Menfiyat Elçîçek ku di sala 2018’an di pevçûnekê de jiyana xwe ji dest dabû, piştî 5 salan di qartonekê de radestî malbata wê hate kirin. Cenaze, di bin dorpêça polîsan de li Hezexê hate definkirin.
Ji ber kalbûn û nexweşiyên girêdayî kalbûnê, cezayê Makbûla Ozer salekê hatibû taloqkirin. Ozer, dê ji ber rapora ATK’ê ya “dikare di girtîgehê de bimîne” careke din bikeve girtîgehê.
Berxwedana karkerên Ozak Tekstîlê yên dest ji kar berdane didome. Leşkerên ku barîkat danîn ketina kolana ku kargeha karker lê li ber xwe didin lê ye, karker asteng kirin ku bên ber kargehê.
Gelê Amedê yê bi gotina “Em jî cîhan jî dizane ku çima hatiye girtin” bertek nîşanî cezayê hefsê yê li Selçûk Mizrakli hatiye birîn da, anî ziman ku ew ê li ser sindoqê bersiva pêwîst bidin.
Hevserokê Giştî yê HEDEP’ê Tûncer Bakirhan ê li Colemêrgê axivî, anî ziman ku dê stratejiya xwe ya hilbijartinê di demekî kurt de aşkere bikin. Bakirhan ê polîtîkayên desthilatê rexne kirin, wiha got: “Kesên kurdan qebûl nakin, ciwanên kurdan di zindanan de dirizînin, dişînin sirgunê dê teqez li ser vê axê winda bikin.”