Di doza der barê TTB'ê de, endamên TTB'ê ji peywirê hatin girtin. Seroka Konseya Navendî ya TTB'ê Şebnem Korûr Fîncanciyê jî got: "Biryara we çi dibe bila bibe, em ê her kedê bidin. Karê me ew e ku em heqîqetê bibêjin."
Siyasetmedarê girtî Nazmî Gur ê di danişîna doza Kobanê de axivî, diyar kir ku HDP’ê li dijî êrişên DAIŞ'ê roleke mirovî lîstiye û got: “Tiştên ku Îsraîlê li Xezeyê kirin girantir li wir hatin kirin.”
Emîne Şenyaşar a bûye remza têkoşîna edaletê, di her du dozên cuda ên bi îdiaya "heqaretê" lê hatine vekirin de, sûcdarî qebûl nekirin û beraeta xwe xwest.
Menfîet Elçîçek û Azad Satilmiş ên HPG’î di perasyona leşkerî ya 14’ê îlona 2018’an derketibû de jiyana xwe ji dest dabûn. Cenazeyên HPG’iyan teslîmî malbatên wan hatin kirin.
Makbûle Ozer a li navçeya Artemêta Wanê, bi îdiaya “alikariya rêxistinê” kiriye sala par hate girtin û piştî cezayê wê salekê hate taloqkirin, hate berdan. Ozer a 81 salî, ji ber rapora ATK’ê ya “Dikare di girtîgehê de bimîne” dê dîsa têkeve girtîgehê.
Seroka TTB’ê Şebnem Korûr Fîncanci, beriya doza derbarê ji peywîrê girtina endamên TTB’ê axivî û got: “Ya ku derveyî armanca xwe kar dike ne TTB ye, saziyên berpisyar ên parastina Destûra Bingehîn û edaletê ne.”
Serokkomariya ku pêşniyaznameya tevlîbûna Doza Kobanê ya Diyanetê bersivand, derbarê ‘mizgeftên şewitandî’ de agahî parve nekir.
Nazmî Gur ê di Doza Kobanê de girtî tê darizandin, îşaret kir ku di dozê de “îdia veguherîn bêbextiyan” û wiha got: “Tê îdiakirin ku 4 hezar û 743 sûc hatine kirin. Yekane delîl jî nîne ku faîlê yekê tenê jî ez im.”
Cemal Tanhan ê piştî felc derbas kir hatiye berdan, ev 39 roj in di venêrîna awarte de têkoşîna jiyanê dide.
Hevserokê Giştî yê KESK’ê Mehmet Bozgeyîk diyar kir ku desthilat hewl dide fatoreya “aboriya xerab” li kedkaran bibire û ji bo mitînga ku dê di 2’yê kanûnê de li Qada Kartalê ji aliyê KESK’ê ve bê lidarxistin banga tevlibûnê kir.
Platforma Koçê ya Mezopotamyayê bal kişand ku tê xwestin Kurdistanê bêmirov bihêlin û aşkere kir ku di 9 mehên ewil ên sala 2023’yan de 51 hezar û 415 serlêdanên îltîcayê hatine kirin û ji sedî 80’yî van ji kurdan pêk tê.
Hevseroka Giştî ya HEDEP’ê Tulay Hatîmogûllari diyar kir ku di MGK’ê de daxwaz hatiye kirin ku şer û pevçûnên li gelek deveran diqewimin bên bidawîkirin û wiha got: “Lê heman MGK’ê di belgeya xwe ya ji 7 xalan pêk tê de dibêje êrişên li dijî Rojava û gelê kurd dê bidomin. Ne pêkane ku em vê qebûl bikin.”
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 33 meh in tu agahiyan jê nagirin serî li Serdozgeriya Komarê ya Bursayê û Midûriyeta Girtîgeha Îmraliyê dan.
Talîp Yakişir ê li Girtîgeha Tîpa T a Menemenê ji bo azadiya Rêberê PKK’ê Abdullah Ocalan dest bi çalakiya greva birçîbûnê kir, anî ziman ku ruhê azadiyê hêzê dide wan.
Ji rojnameger Silêman Ehmed ku ji hêla Asayî Dihokê ya girêdayî PDK’ê ve hatiye binçavkirin, 37 roj in tu agahî nayên girtin.