Endamê Lijneya Rêveber a Şaxa ÎHD’a Stenbolê Mehmet Acettîn bal kişand ser rewşa girtiyê nexweş Yûsûf Akbaba yê ev 31 sal in di girtîgehê de tê ragirtin û destnîşan kir ku tevî nexweşînên xwe Akbaba nayê dermankin û berdana wî tê astengkirin.
Dayikên/Mirovên Şemiyê di hefteya 975’emîn a de li Qada Galatasarayê hatin gel hev û aqûbeta Huseyîn Taşkaya pirsîn. Raportorê Daîmê ya Tirkiyeyê ya Parlamentoya Ewropayê (PE) Nacho Sánchez Amor jî diyar kir ku parastina Dayikên Şemiyê parastina mafên mirovan e.
Hevberdevka Komîsyona Girtîgehan a ÎHD’ê Nûray Çevîrmen diyar kir ku ATK’ê ji bo girtiyê nexweşê giran Ramazan Taşkiran ê rojê 15 saetan dikeve diyalîzê rapora “dikare di girtîgehê de bimîne” daye û xwest ku Taşkiran were berdan.
Di çalakiyên Malbatên Windakiriyan û ÎHD’ê yên Amed û Êlihê de aqûbeta Ender Togcû yê dema di sala 1994’an de kekê wî di bin çavan de qêrîna wî bihîst û faîlên Serokê Baroya Amedê Tahîr Elçî yê beriya 8 salan hatiye qetilkirin hate pirsîn.
ÎHD'ê di daxuyaniyên xwe yên ji bo piştevaniya bi Dayikên Şemiyê re de aqûbeta Huseyîn Taşkaya yê 30 sal berê hatibû binçavkirin û tu agahî jê nehatiye girtin pirsî.
Girtiyên li Girtîgeha Ewlehiya Bilind a Hejmara 2’yan a Amedê tên ragirtin bi gotina “Ne tenê birêz Abdullah Ocalan e ku li Îmraliyê di nava şert û mercên tecrîda mutleq de tê ragirtin, di heman demê de nirxên demokrasî û azadiyê ne” bang li kesên alîgirê demokrasî û azadiyê kirin ku ji polîtîkayên şer re bêjin ‘Na’.
Cenazeyê endama YJA-Star'ê Guler Ozbey a di pevçûna li herêma Marûnisê derketibû de jiyana xwe ji dest dabû, hate veşartin.
Mitînga KESK’ê bi dirûşmeya “Em budçeya gel a demokratîk a ji aliyê kedê ve dixwazin” hate lidarxistin.
HEDEP’a Mêrdînê destnîşan kir ku wan amadehiyên 3’yemîn Kongreya xwe ya Awarte temam kirine û ji bo kongreya sibê were lidarxistin banga tevlibûnê ji gel kir.
TJA û TUAY-DER’a bertek nîşanî rapora “dikare di girtîgehê de bimîne” ya ATK’ê ji bo Makbûle Ozer a 81 salî amade kirî dan û xwestin ku li gorî rewşa tenduristiya Ozerê ya niha raporeke nû bê amadekirin.
Di pêşengtiya MEBYA-DER’ê de parlamenterên HEDEP’ê û nûnerên saziyên sivîl ên civakî di nav de gelek kes bi dirûşmeya “Axîn rûmeta me ye” ji bo Menfiyat Elçîçek a ku cenazeyê wê di qutiyeke kartonê de radestî malbata wê hat kirin, meşiyan û serdana malbatê kirin.
Ji rojnameger Silêman Ehmed ku ji hêla Asayî Dihokê ya girêdayî PDK’ê ve hatiye binçavkirin, 39 roj in tu agahî nayên girtin.
Abdurrakîp Yuksekbag ê 30 sal in girtî bû li Girtîgeha Tîpa T ya Hejmara 1'an a Rihayê ku lê dihat ragirtin, hate berdan.
Di çarçoveya lêpirsîna Serdozgeriya Komarê ya Bedlisê daye destpêkirin de bi ser gelek malan de hatibû girtin û 110 kes hatibûn binçavkirin. Ji binçavkiriyan zêdetirî 50 kesan hatin girtin.
Hat destnîşankirin ku balefirên şer ên Îsraîlê, li nêzîkî paytexta Sûriyeyê Şamê, êrişeke hewayî li dar xistin.