Platforma Jinan a Îzmirê bi minasebeta 25'ê Mijdarê Roja Têkoşîna li Dijî Tundiya li Hemberî Jinê ya Navneteweyî, bi dirûşmeya "Em dest ji jiyana xwe û mafê xwe bernadin" dê li Alsancakê kom bibin.
Jina reqqayî Şerîn Cesîm Muhammed bi gotinên “Em derketin kolanan, tenê sloganek me hebû, azadî û di serî de azadiya jinê” behsa têkoşîna jinan kir û ji çirûskên ewil ên ku ji sala 2011’an ve li Sûriyê pêketin şûn ve xwe li kolanan dibîne.
Jinên mêrsînî, bi şîara “Jin dê dorpêça bi OHAL'ê dest pê kir bişkînin" bang li hemû jinan kirin ku ji bo 25'ê Mijdarê Roja Têkoşina li Dijî Tundiya li Hemberî Jinan dakevin qadan û têbikoşin.
Endama Lijneya Rêveberiya Navendî ya ji Rêveberiyên Herêmî Berpirsyar a BDP'ê Hediye Karaaslan diyar kir ku bi taybetî pergala navendî êrîşî çand û jinê dike û wiha got: "Pergala navendî ji ber ku ji pergala hevserokatiyê ditirse, êrîş dike û qeyûman tayîn dike."
Endama Desteya Rêvebir a Akademiya Jinan Fîgen Aras, diyar kir ku di avakirina civaka demokratîk a Rêberê PKK’ê Abdûllah Ocalan de jin azad e, pêşeng e û vîn e. Aras got ku ev yek jî nîşan dide ku ka jin çi qasî li hemberî tecrîdê ne.
Jinên di qada jiyanê de dixebitin ku herî zêde rastî cihêbûna zayendperest tên, li dijî hepsa malê û polîtîkayên kole kirinê têdikoşin. Hevseroka Giştî ya KESK’ê Aysun Gezen, diyar kir ku di girtina kar de zayendperestî faktorek girîng e û wiha got: “Di vî warî de li dijî koletiyê em tora piştevaniya jinan ava dikin.”
Jinên kedkarên çemawerî yên ji kar hatin avêtin, diyar kirin ku desthilatdarî dixwaze kedkaran bi birçîbûnê terbiye bike û wan têkoşînê dûr bixwe. Jinan bang kirin ku di 25’ê Mijdarê de bibin yek deng.
Meclîsa Jinan a Stenbolê, bi dirûşmeya “Wê tu şidet di tariyê de nemîne” bang li hemû jinan kir ku di 25’ê Mijdarê de li Kadikoyê kom bibin.
Parlamentera HDP'ê Dîlan Dîrayet Taşdemîr aşkera kir ku AKP li cihê têkoşîna azadiya jinê, serdestiya mêr di civakê de bi pêş dixe û wiha got: "Ji ber ku jinên di nava HDP'ê de siyasetê dikin li dijî rola ku desthilatdariyê li ser jinê ferz kiriye tê dikoşin, dibin hedef."
Parlamentera HDP'ê Meral Daniş Beştaş, di panela Meclîsa Jinan a HDP'ê ya Edeneyê de diyar kir ku nêzîkatiya li dijî Ocalan ne nêzîkatiya li dijî girtiyekî ji rêzê ye û wiha got: "Ew rêberek e. Ew muxatabê çareseriya pirsgirêkê ye."
Nûnera Giştî ya Platforma Em ê Cinayetên Jinan Rawestînin Gulsum Kav, diyar kir ku ne cezakirina bersûcan ji bo şideta li dijî jinê nêvengekê amade dike û wiha got: “OHAL cinayetên jinan ên ‘kiryar nediyar’ zêde kirin. Ji sedî 30’yê cinayetên jinan cinayetên ‘kiryar nediyar’ in.”
Li Karabaglarê di doza Ugur Bunyak ê Eda Okutgen kuşt de, dadgehê xwe gihand rapora Saziya Tipa Edlî û cih da ehliyeta cezayê Bunyak a heyî. Parêzeran xwest Bunyak bê cezakirin.
Jinan bertek nîşanî muameleyên xerab ên Girtîgeha Tîpa T a Xerpetê dan û wiha gotin: “Xerpek mîna girtîgeha pîlot hat hilbijartin. Ger li vir encam bigirin, dê li hemû girtîgehan van polîtîkayan bixin meriyetê.”
Têkoşîna xwişkên bi navê Xwûşkên Mîrabal (Minminîk) ku dîktatoriya Trujîllo hilweşandibûn, heta roja îro ji bo hemû jinên cîhanê bûye hêvî. Jinên li Tirkiyeyê jî dê di roja 25'ê Mijdarê ya ku Minminîk hatin qetilkirin de bi dirûşmeya "Em ê li ber dewleta nêrza serî netewînin, em dest ji jiyan û têkoşîna xwe bernadin" dakevin qadan.
Dê di pêşengiya 25 Kasım Platgormu (Platforma 25'ê Mijdarê) de dê îsal bi dirûşma “Erkek devlet şiddetine itaat etmiyoruz, hayatlarımızdan ve mücadelelerimizden vazgeçmiyoruz” (Em ê ji şideta dewleta mêr re serî netewînin, em dest ji jiyana xwe û têkoşîna xwe bernadin) dê li Lenda (tunel) Taksîmê heta Lîseya Galatasarayê bimeşin.