Dê di pêşengiya 25 Kasım Platgormu (Platforma 25'ê Mijdarê) de dê îsal bi dirûşma “Erkek devlet şiddetine itaat etmiyoruz, hayatlarımızdan ve mücadelelerimizden vazgeçmiyoruz” (Em ê ji şideta dewleta mêr re serî netewînin, em dest ji jiyana xwe û têkoşîna xwe bernadin) dê li Lenda (tunel) Taksîmê heta Lîseya Galatasarayê bimeşin.
Nerazîbûnên li dijî gotina Serokê AKP'ê Erdogan a "Li Tirkiye rêxistinên terorîst pir hasas in. Herî kêm 10-15 zarokan çê dikin" zêde dibin. Jinên mislimanên antîkapîtalîst diyar kirin ku di Qur'anê de jî ne zêdebûn, cewherî esas e û gotina Erdogan tê wateya ku kurdan terorîst îlan dike.
Endamên Koma Duçerxeyan a Jinan a Amedê anîn ziman ku bikaranîna duçerxê tewrekî ekolojîst û aktivîst e û ev yek sekna azad a jina ye.
Li Wanê dayika 12 zarokan Muhteber Bor gotina Serokê AKP'ê Erdogan a “Bizewicin, zêde bibin. Li Tirkiye rêxistinên terorê pir hasas in. Herî kêm 10, 15 zarokên wan hene" şermezar kir û got: “Ji ber min ew qas zarok çêkir qet ne poşman im. Ji destê min bê ez dê ew qas zarokên din çêkim."
Berdevka Meclisa Jinan a HDP’ê Besîme Konca, diyar kir ku li ser zarokan jin û kurd kirina hedef sûce. Gulistan Kiliç Koçyigit jî, anî ziman ku jiyana jinan ne dibin yekdestdariya desthilatdariyê deye û wiha got: "Bi vê awayî tunekirina kurdan hedef kirin e."
Koma Bisîkleta Jinan a Amedê, bi armanca jin cihê xwe di trafîkê de bigirin û li dijî talan kirina xwezayê pedal zivirandin.
Aktivîsta TJA’yê Fîgen Ektî anî ziman ku ew ê di çalakiyên 25’ê Mijdara îsal de li dijî qirkirina jinê li qadan bin. Ektî dest nîşan kir ku îro têkoşîna jinê bûye jêdera îlhamê
Jinên Malên Gel ku Atolyeyên Xweparastina Feminîst dan destpêkirin, diyar kirin ku xweparastin wêdeyî parastina fizîkî ye û ew her cure têkoşîna li dijî newekheviya zayendî esas digirin.
Li Colemêrgê Rabîa Olmez ku aşê kevirî yê ji gelê Nastûrî maye dixebitîne, 30 sal in bi kedeke mezin hem aş diparêze hem jî bi saya aş debara malbata xwe dike.
Di pêşengiya jinan de dê sibê li amedê bi dirûşma "Dê tecrîd winda bike azadî bi ser keve" mîtîng bê lidarxistin, komîteya amadekar bang li şêniyên bajêr kir ku tev li mîtîngê bibin.
O.D. ku bi salan e hevjînê wê şidetê lê dike, got ku bêcezatî rê li ber şidetê vedike.
Endama EVEKSEN’ê Gulsum Nazlioglû, anî ziman ku ji bo êdî keda jinê neyê xwarin ew ê di 25’ê Mijdarê de li qadan bin.
Jinan, bi armanca tevlîbûna mitînga 11’ê Mijdarê li gelek taxan bi berzkirina tilîliyan belavok belav kirin.
Rêvebera HDP’ê Sûzan Îşbîlen, diyar kir ku armanca wan ew e ku di mîtînga 11’ê Mijdarê de tecrîda li ser Rêberê PKK’ê Abdullah Ocalan bişkînin, rê li ber êrîşên li hemberî jinan bigirin. Îşbîlen bang li amediyan kir ku bi ruhê Newrozê li Qada Îstasyonê bin.
Li gorî rapora Platforma Em ê Cînayetên Jinan Rawestînin a meha Cotmeha 2017'an, zilaman 40 jin kuştin, tecawîzê 32 zarokan kirin û li 25 jinan xistin