Ji ber peyva “Kurdistanê” li Parlamenterê HDP’ê yê berê Osman Baydemîr cezayê disiplînê û yê pereyan hatibû dayîn. DMME’yê ev ceza weke “binpêkirina azadiya xweîfadekirinê” nirxand.
Çalakiya Nobeta Edaletê ya Malbata Şenyaşar a li pêşiya Edliyeya Rihayê didome. Malbatê di çalakiyê de ev peyam da: “Heta ku edalet neyê Rihayê dê neyê Tirkiyeyê. Ev 5 sal in em li benda edaletê ne.”
Çagla Seven a ku di êrişa DAIŞ’ê ya li Pirsûsê de birîndar bûbû hat binçavkirin.
Hin leşkerên tîmên taybet ji kuştina Yusuf Akin ê karê tesîsatê dikir tên darizandin. Bi hinceta ku cihê bûyerê "ewlehiya wê nayê kirin" carek din kifşa li cihê bûyerê nehat kirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Miduriyeta Girtîgeha Îmraliyê dan.
Li Bedlîsê polîsan serê sibehê aver ser malan û du siyasetmedar kirin binçavan.
CENTCOM'ê ragihand ku 22 leşkerên wan di qezaya helîkopterê ya li Bakur û Rojhilatê Sûriyeyê de birîndar bûne.
Li Cizîrê ji 18 kesên di encama serdegirtinên malan de hatibûn binçavkirin 15 jê li ser îfadeyên "şahidê" nepen hatin girtin.
Parêzer Tugay Bek li ser hesaba xwe ya medyaya dijîtal ji Fermandarê Giştî yê Cendirmeyan Arîf Çetîn re gotibû “Xwe ji rêxistinên sûc dûr bigire.” Bi îdiaya “Ji ber peywirê heqaret li xebatkarê cemaweriyê kiriye” derheqê Bek de lêpirsîn hate destpêkirin.
KCK’ê ji ber erdhejê biryara “bêçalaktiyê” ragihandibû. KCK’ê ragihand ku bi sedema êrişên berdewam dikin “bêçalakiyê” bi dawî kir.
Di ser qetlîama ferdên Malbata Şenyaşar re 5 sal derbas bûn. Şahidên qetlîamê ku dikandarên li sûkê ne gotin: “Heke ji bo Malbata Şenyaşar edalet bicih were wê ji bo hemû Tirkiyeyê edalet pêk were.”
Hevalên Safiye Alagaş ku di 8’ê hezîrana 2022’yan de hatibû binçavkirin û bi dû re jî hatibû girtin, bertek nîşanî girtina wê dan û wiha gotin: “Em li bendê ne ku hemû rojnameger, sazî û gel xwedî li doza Safiye Alagaş derkevin.”
Derket holê ku plana îmarê ya qada parkê ya li semta Seyrantepe ya Amedê, hatiye guherandin û dewrî midûriyeta polîsan hatiye kirin.
Li Rihayê welatî di warê mafê tenduristiyê de bi pirsgirêkan re rû bi rû ne. Hevserokê SES'a Rihayê Salih Karataş diyar kir ku gef li tenduristiya mirovan tê xwarin û got ku nexweş 3-4 mehan li malên xwe li benda dora xwe disekinin.
Berdevka Komîsyona Girtîgehan a OHD’a Rihayê Ayşe Şehrîban Demîrel tekildarî serdana wan a girtîgehan axivî û bal kişand ser pirsgirêkên girtiyên nexweş û got: "Girtiyên nexweş tevî ku bi mirinê re rûbirû mane jî nayên berdan û mafên wan ê tedawiyê jî tê astengkirin. Girtiyên nexweş bi mirinê re rûbirû hatine hiştin.”