Girtiyê bi navê Suleyman Ayaz ku li Girtîgeha Tîpa S a Kirşehîrê tê ragirtin, bi nexweşiya osteoporozê ketiye. Ayaz, ji bo testê bike daxwazname da rêveberiya girtîgehê lê hate redkirin.
Siyasetmedarê kurd Selîm Sadak diyar kir ku perspektîfa Rêya Sêyemîn a Rêberê PKK’ê Abdullah Ocalan ji bo gelan hêvî ye û got: “Divê kurd tifaqa xwe ya neteweyî ava bikin û li dijî tecrîdê jî divê têkoşîn bi hevparî bê kirin.”
Li Islahiyeyê, rêya ku piştî erdhejê hatibû girtin, 4 meh in nehatiye vekirin. Cotkarên li herêmê, ji ber vê bi gilî û gazin in.
Li navçeyên Basa û Qilêbanê Weqfa Alîkariya Civakî û Piştevaniyê bêhincet meaşên gelek malbatan û malbatên rêveberên HDP'ê betal kir.
Hevserokê KNK'ê Ahmed Karamus diyar kir ku konferansa 100 saliya Peymana Lozanê dê çarenûsa kurd a pêşerojê diyar bike û got: "Em ji vê konferansê bi hêvî ne. Her saziyek dê daxwaz û armancên xwe pêşkeş bike. Em ê jî deklarasyoneke neteweyî ragihînin. Em ê di vê konferansê de kêmasiyên xwe bibînin û li gorî wê tev li pêvajoyê bibin."
Hevserokê Daîreya Ragihandinê ya Rêveberiya Xweser a Bakur û Rojhilatê Sûriyeyê Ciwan Mele Îbrahîm diyar kir ku wê bi hezaran endamên DAIŞ'ê li ber çavên gel bi awayekî eşkere bên darizandin û got: "Dadgeh wê li ser esasê Dadgeha Parastina Gel were çêkirin."
Tirkiye û hêzên paramîlîter ên girêdayî wê êriş birin ser gundê Aqîbê yê navçeya Şêrawa ya Efrînê 3 leşkerên Şamê jiyana xwe ji dest dan.
ifaqa Ked û Azadiyê, ji bo nirxandina encamên hilbijartinê û rewşa heyî, dê sibê li hev bicivie.
Endamê Meclisa Partiyê ya HDP'ê Dogan Erbaş ku der barê wî de biryara girtinê hatibû dayîn û duh hatibû binçavkirin, şandin girtîgehê.
Li bajaroka Dêrgûlê jina ku li nav zeviyê dixebitî di bin traktorê de ma û jiyana xwe ji dest da.
Parlamentera Partiya Çepên Kesk a Şirnexê Ayşegul Dogan destnîşan kir ku piştî ku gel piştgirî daye partiya wan zextên li ser xelkê hatine zêdekirin û ev pirs kir: “Gelo çima alîkariyên civakî tên birîn?”
Şaredariya Erxeniyê ku qeyûm lê hatiye tayînkirin, 6 neguhêzbar da ber firotinê.
Piştî ku hêzên rejîma Îranê, bajarê Seqizê dorpêç kirin, xelkê Seqizê ji bo protestokirina rêya bi armanca çûnên ser gora Jîna Emînî asteng dike tê çêkirin, bi greva giştî protesto kirin.
Rêxistinên hiqûqê bertek nîşanî binçavkirin û girtina parêzeran dan û diyar kirin ku ew ê li dijî zextan serî li ber îktidarê netewînin.