Daîreya Ceza ya 2'yan a Dadgeha Edliye ya Herêmê ya Edeneyê, sal û 15 roj cezayê girtîgehê yê ku bi îdiaya "propagandaya rêxistinê" li Hevseroka Giştî ya HDP'ê ya berê Fîgen Yuksekdagê hatibû birîn, pesend kir.
Dewleta tirk gundekî li ser rêya Qamişlo-Tirbespiyê bombe baran kir. Di bombebaranê de herî kêm 4 kes birîndar bûn.
Parêzer Suleyman Şahîn ku ji bo îfadeyê bide çû Edliyeya Amedê, hate binçavkirin.
Di serdegirtinên malan ên li Tekîrdagê de 5 kes hatin binçavkirin.
Xebatkarên tenduristiyê li pêşiya Nexweşxaneya Diranan a Zanîngeha Dîcleyê li dijî mobbîngê daxuyanî dan û diyar kirin ku dê heta dawiyê têbikoşin.
DFG û MKGP dê sibe ji bo 16 rojnamegerên ev saleke hatine girtin û danişîna wan nehatiye lidarxistin, sibe li pêşiya Edliyeya Amedê daxuyaniyê bidin.
Polîsê bi navê Metîn Kîraz bi wesayîta zirxî li zarok Mîraç Mîroglû xistibû û qetil kiribû. Di danişîna doza qetilkirina Mîroglû de parêzerê Kîraz ji bo parastinê dem xwest. Parêzerên Mîroglû jî li dijî rapora ku Mîroglû “biqisûr” dibîne îtîraz kirin.
Dadgeha Îstînafê doza rojnameger Ferhat Parlak betal kiribû lê belê dadgeha herêmî di biryara “redkirina dozê” de biisrar e. Di danişîna îro de ji bo doza Parlak dîsa biryaa “redkirina dozê” hate dayîn.
Girtiyê nexweş Sînan Karer ji ber 16 meh cezayê hevdîtina bi telefonê lê hatiye birîn, 6 meh in nikare bi malbata xwe re biaxive û malbat jî nikare biçe wî bibîne.
Li navçeya Guzelbahçeyê 3 penaberên sûriyeyî hatibûn şewitandin û qetilkirin. Di doza qetilkirina penaberan de rapora ATK’ê ya faîl Kemal Korukmaz hat û hat diyarkirin ku tu pirsgirêkên wî yên zîhnî û fîzîkî nînin. Ji ber îfadeya “ji hêla aqil ve miwekîlê min tam nîne”, Korukmaz parêzerê xwe ezl kir.
Rojnamegerê girtî Abdûlkadir Turay ku cezayê wî qediya, ji girtîgehê hat berdan.
Danişîna doza 5 kesên endamên HDP’ê ku piştî biryara beraeta wan hatibû xerakirin û ji nû ve hat lidarxistin, taloq bû.
Li Herêma Şehbayê li dijî leşkerên rejîma Sûriyeyê bi SÎHA’yan êriş hate kirin. Hejmara leşkerên jiyana xwe ji dest dayîn derket 5’an.
Serokwekîlê Koma Partiya Çepên Kesk Sarûhan Olûç bertek nîşanî girtina endamê MYK’a HDP’ê Dogan Erbaş da û got: “Tu hevalên me serî netewandin û wê netewînin jî.”
Hunermend Îlyas Arzu ji ber îfadeyên şahidan, bi îdiaya “endamtiya rêxistinê” dihat darizandin û 6 sal û 3 meh cezayê hefsê lê hate birîn.