Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku zêdetirî 2 sal in tu agahiyan jê nagire, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Artêşa tirk gundê Tirvanîş ê girêdayî Metînayê bi top û obûsan topbaran kir.
Li Efxanistanê 8 jinên li dijî rejîma Talîbanê li ber xwe didan hatin binçavkirin û piştre hatin girtin.
Hevseroka Giştî yaÎHD’ê Eren Keskîn diyar kir ku dê ew ji bo Mazlûm Îçlî kampanya îmzeyan bidin destpêkirin û got: “Cezayê li Mazlûm hatiye birîn, kurteya hemû bêhiqûqiyan e. Divê her kesê demokrasiyê dixwaze xwedî li Mazlûm derkeve.”
Mahmût Tûtal ji ber kuştina du polîsên di sala 2015'an de li Rihayê hatibûn kuştin, hatibû girtin û 48 sal ceza lê hatibû birîn. Lê belê hat zanîn ku qeydên HTS'yê yên ji bo cezakirina Tûtal wekî hincet hatibûn nîşandan, ji aliyê TEM'ê ve hatine guherandin.
Rojnameger Îbrahîm Êzidî diyar kir ku welatên ku qirkirina êzidiyan naskirin erk û berpirsyariyên xwe pêk nayînin û wiha got: "Tevî naskirinê jî dewleta tirk êriş dike û êzidiyan qir dike. Anku ferman didome. Divê rê li ber van êrişan were girtin, statûya rêveberiya xweser bê naskirin û ji bo vegera li Şengalê bibin alîkar."
Qeyûmê Şaredariya Êlihê, soz dabû ku dê ji malbata Başaran re xanî çêbike. Piştî ku qeyûm xanî çênekir, rêveberiya şaredariyê ya HDP'î ji malbata Başaran re xanî çêkir. Lê belê bi tayinkirina qeyûmê duyemîn re înşeata xênî hat sekinandin û ji ber ku xanî nehat temamkirin, malbatê li ber walîtiyê dest çalakiya rûniştinê kir.
Rojnamevan Fehîm Işik anî ziman ku PDK armanca Tirkiyeyê ya li Herêma Kurdistana Federe nabîne û got ku ev talûkeyeke mezin e. Her wiha Işik destnîşan kir ku dê pevçûneke mihtemel a PDK-PKK'ê bi kêrî Tirkiyeyê bê.
Cenazeyê Gûrbet Kaymaz a YJA-Starî ya di li Bedlîsê di şer de jiyana xwe ji dest da, li warê wê hat veşartin.
Şewata li quntarên Çiyayê Cûdiyê piştî çend saetan hat tefandin.
DBP, HDP û Partiya Çepên Kesk li gelek bajaran bi awayekî hevwext êrişa li Parlementerê Rihayê Omer Ocalan protesto kirin.
Di Doza Kobanê de siyasetmedar Mesût Bagcik bal kişand ser îfadeyên şahidê veşarî û got ku di wê dîrokê de ku şahid îşaret pê kiriye, ew di girtîgehê de bûye.
Akademîsyenê Aştiyê Dr. Aydin Ari piştî 6 salan dîsa li peywira xwe vegeriya. Ari, got ku dê têkoşîna xwe ya ji bo zanîngehên zanist û raman lê azad bidomînin.
Çalakiya Nobeta Edaletê ya Malbata Şenyaşar di roja 28’an de berdewam kir. Malbatê xwest bi wezîrê dadê re hevdîtinê bike lê dîsa hate astengkirin.