Hanim Kaya, diyar kir ku 2 sal in cenazeyê birayê wê Kasim Kaya yê li Agiriyê di şer de jiyana xwe ji dest daye, radestî wan nehatiye kirin û wiha bertek nîşan da: "Dewlet di ser cenazeyan re siyasetê dike."
Parlamentera Partiya Çepên Kesk a Edeneyê Tulay Hatîmogûllariyê diyar kir ku hewldana êrişê ya li partiya wan senaryo ye û eşkere ye ku êrişkar talîmat girtiye û ji bo têkoşîna hevpar bang kir.
Di 3’yemîn hevdîtinên Peymana Kar a Komî ya Cemaweriyê ku KESK û Kamu-Sen di nav de nîne jî encamek derneket. Dê Lijneya Hakem a Peywirdarên Cemaweriyê biryara rêjeya zema ji bo karmendan bide.
Li navçeya Yenîşehîra Amedê TIR’ê li welatiyekî xist û welatî bi giranî birîndar bû.
Dayikên Aştiyê yên ji bo îfadeya dozgeriyê ji Geverê çûn Wanê, di vegerê de qeza kirin. Di qezayê de Dayikên Aştiyê Adalet Safali û Perîşan Ozçelîk û kurê Perîşan Ozçelîkê Cîhan Ozçelîk jiyana xwe ji dest dan.
NÇM’ê girtina muzîkjena kurd Emel Çîftçî ku tedawiya wê nexweşiya penceşêrê nîvco ma şermezar kir û xwest Çîftçî demildest bê berdan.
Li Sasonê zarokekî 5 salî dema bi çeka neçîrê ya bavê xwe dilîst, bi teqezayî gule li zaroka 2 salî xist. Zarokê 2 salî jiyana xwe ji dest da.
Nûçegihana JINNEWS'ê Derya Ren a di girtîgehê tê ragirtin, diyar kir ku dest danîne ser nameyên ew ji saziyan re şandine.
Malbata Şenyaşar têkoşîna xwe ya bo edaletê didomîne. Rojnamevanên ku çalakiya malbatê dişopandin, bi gefa binçavkirinê ya polîsan re rû bir û man.
Siyasetmedar Mesût Bagcik di Doza Kobanê de diyar kir ku şahidên bi navên “Atlas” û “Hermes” di nava 5 mehan de yek bi yek heman îfade dane û wiha got: “Di girtekan de îmzeyên wan jî tune ne. Anku îfadeyeke ji ber xwe ve hatiye çêkirin e. Li holê sûcek nîne. Lê afirandina sûc heye.”
A.C. a hewl da ku êrişî avahiyê hevpar ê HDP û Partiya Çepên Kesk bike, ji hêla dageha ve bi şertê kontrola edlî hate berdan.
Hevşaredarê Êlihê Mehmet Demîr ê qeyûm tayînî şûna wî hatiye kirin anî ziman ku qeyûm bi guhertina plana îmarê re ava bajêr xistiye talûkeyê û guhertin li dijî rêziknameyê ye.
Xwediyê Pirtûkxaneya Ûmûdê Seferî Yilmaz diyar kir ku kesek nasnameya wî nediyar li dora mala wî kifşê kiriye û bi dîmenên kamerayê ve çûye gilî kiriye.
Zarokê 10 salî Îhsan Yûsifzahîli Delganê ji aliyê îstixbarata Îranê ve hat qetilkirin.