Girtiyê nexweş Şakîr Turan ê 70 salî ku li Girtîgeha Tîpa L a Erzînganê dihat ragirtin, jiyana xwe ji dest da. Peyama Turan a dawî ev bû: “Ez serbilind im, min gavek jî paşve neavêt.”
Rojnamevan Mehmet Altan bilêv kir ku ji ber polîtîkayên neçareserkirina meseleya kurd li Tirkiyeyê pergal bi rizandinekê re rû bi rû ye û got ku çareserkirina meseleya kurd hevtayê komara demokratîk e.
Hevşaredarê Tûşbayê Yilmaz Berkî ku bi hinceta bi KHK'ê hatiye îxrackirin mazbataya hevşaredariyê nedanê diyar kir ku şaredariya AKP'ê her tim deynd dike û şaredariyê 100 milyon TL xistiye bin deyn.
Emîne Şenyaşar tevî nexweşiyên xwe jî têkoşîna xwe ya edaletê ya ji Rihayê veguhestî Enqereyê didomîne. Şenyaşar, wiha dibêje: “Bila kurê min berdin da ku ez jî biçim mala xwe.”
Hevserokên HDP'ê yên Şirnexê destnîşan kirin ku sedema sereke ya hemû krîzên Tirkiyeyê tecrîda li Îmraliyê ye û gotin: "Heya tecrîd neyê rakirin, dê tu pirsgirêk çareser nebin."
Girtiyê nexweş Erdal Ozel, 17 sal in bi tena serê xwe di hucreyekê de ye. Xwişka wî Kûmrû Akgul ragihand ku birayê wî bi awayekî destên wî ji paş de kelemçekirî sewqî nexweşxaneyê tê kirin û bêyî ku tehlîlên wî bên kirin car din wî tînin girtîgehê.
Der barê parêzer Mehmet Emîn Aktar de, bi sedema ku girtanemeya der barê nelirêtiyên di dema lêgerîna li ofîsa xwe de parve kiriye, bi îdiaya "kesên li dijî terorê têdikoşin hedef nîşana daye" doz hat vekirin.
Li Semsûrê di çêkirina avahiyên erdhejê de teqemenî tên bikaranîn. Hejîna ji ber van teqemeniyan dibe cihê xetereya ku avahiyên xesargirtî hilweşin.
Rojnameger Mervan Ozdemîr diyar kir ku PDK niha bi awayeke çalak di nava şer de ye û wiha got: "Tirkiyeyê ji PDK'ê daxuyaniyeke fermî ya şer xwest. Lê belê ev daxuyanî heta niha nehatiye kirin."
Hevserokê SES’ê Şiyar Guldîken kiryara Wezareta Tendûristiyê a ji bo E-Reçetemê şermezar kir û got ku divê demildest kurdî jî li E-Reçetemê bê zêdekirin. Hevserokê MED-DER’ê Remzî Azîzoglû jî bertek nîşan da û got ku hişmendiya dewletê ya tunehesibandina kurdî neguheriye û ji bo xwedîderketina li kurdî bang kir.
Ji 5 kesên ku li navçeya Farqînê bi îşkenceyê hatin binçavkirin 3 jê hatin girtin.
Li herêma Omeriyan a di navbera Midyad û Nisêbînê de ji hewayê û bejahiyê ve operasyoneke leşkerî dest pê kir.
Malbata Muhterem Koç ê HPG'î ku li navçeya Farqînê jiyana xwe ji dest da, ji bo testa DNA'yê ji Wanê hat Amedê.