Qeyûmê Şaredariya Bajarê Mezin a Wanê ku beriya hilbijartinên herêmî mal û milkên şaredariyê yeko yeko difiroşe, di nava vê mehê de park, termînala otobêsan, hêwana dawetan û hin avahî jî di nav de bi hezaran donim erse dan ber firotinê.
Şaredariya Elkê ya ku 5 sal in ji aliyê AKP'ê ve tê birêvebirin, rêyên tax û navenda navçeyê çênake, lê belê ji baregehên leşkerî re jî rêyên asfaltkirî tên çêkirin. Şeniyên navçeyê bertek nîşanî vê yekê dan û gotin: "Rê ji çiyayan re birin, lê ji me re neanîn."
Endamê Meclisa Giştî yê PYD'ê Ehmed Xoce anî ziman ku sedemeke êrişên Tirkiyeyê yên li dijî Bakur û Rojhilatê Sûriyeyê jî ew e ku şoreşa Rojava rê li ber plansaziyên Tirkiyeyê yên Rojhilata Navîn digire û got ku şoreşa Rojava hemû destkêftiyên kurdan mîsoger dike.
Li gundê Çamîlî yê Qelqeliyê operasyona leşkerîhat lidarxistin. Xaniyekî wêrankirî bi saetan hat guleberanakirin. Hat diyarkirin ku ji gund xebe rji malbatekê nayê girtin.
Cenazeyê Şakîr Tûran ê li ber Fermandariya Cendirmeyan a Qeymeqamtiya Yenîşehîrê bi saetan hat sekinandin, rakirin morga Nexweşxaneya Perwerdehî û Lêkolînê ya Gazî Yaşargîlê ya Amedê.
Operasyona “Xurtkirina Ewlehiyê” ya HSD’ê didome. Hat zanîn ku di çarçoveya operasyonê de 3 endamên DAIŞ’ê yên dixwestin êriş bikin hatin kuştin, 11 jê hatin girtin û 10 bazirganên tiryakê jî hatin girtin.
Girtiyê nexweş Şakîr Turan îro di danê sibehê de jiyana xwe ji dest da. Malbatê cenaze wergirt û ji bo definkirinê ber bi navçeya Strewrê ve bi rê ket.
Yek ji girtiyên nexweş Necmettîn Ormanli yê 71 salî piştî cezayê xwe temam kirî hate berdan.
Gundê Dirdara yê Til Temirê bi çekên giran hate bombebarankirin.
Derket holê ku girtiyê nexweş ê 70 salî Şakir Turan ê k li nexweşxaneyê jiyana xwe ji dest da 20 roj berê rapora, "Hewcehî bi cezayê taloqkirinê nîne" hatiye dayîn.
Jinan ji bo mîtînga 1'ê Îlonê ya li Amedê bangawazî kirin û gotin: "Aştiyeke bi rûmet a li dijî vê pergalê ancax bi pêşengiya jinan dikare li pêş bikeve."
Wezareta Çand û Turîzmê hewl dide Girtîgeha Hejmar 5 a Amedê veguherîne “Qada Muze û Çandê.” Avahîsaz Şerefhan Aydin diyar kir ku armanca ji vê projeyê ew e ku “hafizeyê bidin jibîrkirin” û ev tişt anî ziman: “Divê di her santîmetrekareya Girtîgeha Amedê de hafize were parastin.”
Buroya Hiqûqê ya Sedsalê ji bo bidawîkirina tecrîda li ser Rêberê PKK'ê Abdullah Ocalan serî li Komîteya Pêşîgirtina li Îşkenceyê (CPT) da ku bi lez serdana Îmraliyê bike.
Hevserokê MED TUHAD-FED'ê Zekî Baran bal kişand ser pêwîstiya misogerkirina azadiya fîzîkî ya Rêberê PKK'ê Abdullah Ocalan û got: "Fêmkirina ji birêz Ocalan tiştek cuda ye, lê ya herî girîng ew e ku paradîgmaya wî em bixin hiş û jiyana xwe. Wê demê em ê bibînin ku dê tecrîd pûç bibe."