Ciwanên kurd û enternasyonalîst ku bi armanca balê bikişînin ser tecrîda li dijî Rêberê PKK'ê Abdullah Ocalan bi dirûşmeya "Bi ciwanên rêxistibûyî ber bi azadiya Rêbertiyê ve" li Dortmûndê me dane destpêkirin bang kirin ku hemû ciwan tev li meşê bibin.
Hevberdevka Partiya Çepên Kesk Çîgdem Kiliçgun Ûçar di merasîma bîranîna Parlamenteê DEP’ê Mehmet Sîncar de axivî û diyar kir ku dosyey dozê bi demboriyê re rû bi rû ye û got: “Eşkerenekirina vê cînayetê dide nîşandan ku dewlet li pişt sekinî ye.”
Parlamentera Partiya Çepên Kesk Bêrîtan Guneş bi boneya salvegera wefata hunermend Aram Tîgran pêşnûmeyek da meclisê. Lê Serokê Meclisê îdiaya ku hevoka “Aram Tîgran di Komkujiya Ermenan a 1915’an de rizgar bû lê ji Amedê hate sirgûnkirin” a di pêşnûmeyê de “qebe” ye û pêşnûme li Guneş vegerand.
Rojnameger Mehmet Karakeçîlî ku ji aliyê biraziyê Şaredarê Wêranşarê ve hatibû derbkirin bi lêv kir ku biraziyê şaredar gefa kuştinê li wî xwariye û jê re wiha gotiye: “Heke tu derbarê şeredariyê de binivîsî tu dê bimirî.”
Siyasetmedar Ayla Akat Ata di Doza Kobanê de diyar kir ku ev dosya dosyaya tolhildana ji pêvajoya çareseriya demokratîk e û wiha got: “Em jî weke kesên ev pêvajo birêve birin li pêşberî we ne.”
Di encama êriş, revandin, tecawizkirin û işkenceyên Tirkiyeyê û komên paramîlîter yên bi ser wê de li Bakur û Rojhilatê Suriyeyê 41 zarok hatin qetilkirin.
Eşîra Tewadifê ya ereb a li Reqayê piştgiriya xwe ya bi HSD’ê re ragihand û wiha got: “Me gelek caran bang li HSD’ê kir ku kesên destdirêjiyê li ewlehiya welêt dikin, tune bikin. Em bi HSD’ê re ne.”
Di danişîna doza nûçegihanê MA’yê Ergîn Çaglar ku dema “Meşa Gemlîkê” dişopand hatibû binçavkirin û derbarê wî de doz hate vekirin de, dadger matmayî ma ku bûyer veguheriye dozê û mafên bingehîn ên rojnamevantiyê bi bîr xistin.
Tîmên DEDAŞ’ê ku bi leşkeran re îro serê sibê çûn gundê Tilvaqî yê girêdayî navçeya Erxeniyê dîsa trafoyên gundiyan jêkirin.
Li polîsê bi navê Hakan Avci ku li Amedê bi wesayîta zirxî li endezyar Cîhan Can xistibû û qetil kiribû, 21 hezar û 200 TL cezayê pereyan hate birîn.
Serokê Enstîtûya Lêkolînên Xebatên Kurdistanê yê berê û ji profesorên Beşa Ziman û Wêjeya Kurdî ya Zanîngeha Kurdistanê ya li Sinê Dr. Behrouz Chamanara ji kar hate avêtin.
Koma Phîlîp Morrîs, ragihand ku li hemû markayên cigareyê yên ji aliyê şîrketa wan ve tên hilberandin 5 lîre zem kiriye.
Li navçeya Menderesê bi mezinahiya 4.4’ê erdhej çêbû.
Aborînas Mert Buyukkarabacak diyar kir ku budçeya ku hikûmetê ji bo şer xerc kiriye jiyana mirovan kiriye dojeh û got ku ji bo welatekî mirov dikare lê bijî divê çîna karkeran têkoşîna li dijî şer bişopîne.
Dayika Cemîle Çagirga, Emîne Çagirga ya ku cenazeyê keça wê 11 roj di sarincê de ma diyar kir ku ew 8 sal in li benda edaletê ne û got: "Edaletê mala xwe bar kir û çû nemaye li van deran. Nizanim ku ve çû. Edalet ket ava Çemê Dîcleyê çû, yan kete ava Çemê Firatê çû, ez jî nizanim. Edalet nema heke heba niha pirsgirêka kurd çareser bibûya."