Li gorî Rêxistina Mafên Mirovan a Sûriye-Efrînê di meha tebaxê de 6 jê jin 62 kes hatin revandin. Hate diyarkirin ku gelek ji kesên hatine revandin kesên li ser daxwaza ENKS’ê vegeriyane Efrînê ne.
Gora hunermend Mîr Perwer ku li Parîsê di êrişa li dijî Navenda Çanda Kurd a Ahmet Kaya de jiyana xwe ji dest da, ji aliyê hevalên wî yên hunermend ve hate çêkirin.
Nivîskar Abdulmenaf Osman pîştî 30 salan hate berdan û birin GGM’a Edîrneyê. Parêzerê wî Halîl Coşkun diyar kir ku dewleta tirk hewl dide miwekîlê wî dersînor bike.
Girûya li qawîşa girtiyên edlî yên tên xebitandin a Girtîgeha Jinan a Sîncanê dest pê kir, li nava gelek girtiyan jî belav bû. Îdareya girtîgehê ragihand ku girû bi rêya gardiyanan belav bûye. Îdareya girtîgehê tu tevdîr negirtine.
Îbrahîm Ûzûn ku cenazeyê kurê xwe Yilmaz Ûzûn di qutiyekê de teslîm girt, wiha got: "Ez li ser hestiyên kurê xwe soz didim, em ê dest ji vê rêçê bernedin. Rêya wan rêya me ye, xeyalên wan xeyalên me ne."
Parlamenterê Partiya Çepên Kesk Ferît Şenyaşar anî ziman ku Wezîrê Dadê Yilmaz Tûnç ji edaletê direve û got: "Ger di bêedaletiyê de israr bikin, dê Wezîrê Dadê, hikûmet û Tirkiye winda bikin."
Seroka Giştî ya Egîtîm-Senê Necla Kûrûl bal kişand ser protokola ÇEDES’ê û destnîşan kir ku dixwazin zarokan bi rêya olî bigirin bin zextan û wan tevli nava qadên olî bikin.
Siyasetmedar Ahmet Însel, anî ziman ku tecrîda li ser Rêberê PKK'ê Abdullah Ocalan sûcê li dijî mirovahiyê ye û got ku pêkanînên antîdemokratîk ên li welêt girêdayî meseleya kurdî ne.
Tirkiye û komên girêdayî wê, êrişî gundên Hesekê û Kantona Şehbayê kirin.
Abdulmenaf Osman ku piştî 30 salan hat berdan, 36 saet in bi awayekî fiîlî di binçavan de ye. Parêzerê wî Halîl Coşkûn diyar kir ku muwekîlê wî bi awyaekî bêhiqûqî di binçavan de ye û ji bo muwekîlê wî biçe welatekî sêyem, doza muhletê kir.
Hat îdiakirin ku ciwanê bi navê Hozan Taş li navçeya Gever a Colemêrgê întîhar kiriye.
Parlamenterê DEP’ê Mehmet Sîncar ê di sala 1993’yan de li Êlihê hatibû qetilkirin, li ser gora xwe ya li navçeya Qoserê tê bibîranîn.
Înîsiyatîfa Rêzgirtina li Miriyan bertek nîşanî kiriyarên li hemberî cenazeyên Yilmaz Uzun û Şakîr Turan da û wiha got: “Avakirina aştiyê, di civakeke ku cenazeyê li gorî heysiyeta mirovahiyê tên veşartin de pêkan e.”
Siyasetmedara kurd Sebahat Tuncel diyar kir ku ji bo balê bikişînin ser rewşa girtiyên nexweş, biryar dane ku li Girtîgeha Jinan a Sîncanê 3 rojan xwarinê negirin.