Nivîskar Abdulmenaf Osman ku piştî 30 sal û 6 mehan hate berdan, ji bo li Sûriyeyê were vegerandin birin GGM’a Edîrneyê. Komeleya Wêjekarên Kurd bi daxuyaniyekê xwest ku Osman demildest bê berdan û bang li raya giştî, PENa Navneteweyî, sazî û rêxistinên hiqûqî û sivîl kir ku di vî warî de hesas bin.
Nivîskar Abdulmenaf ku piştî 30 sal û 6 mehan hate berdan, ji bo li Sûriyeyê were vegerandin birin GGM’a Edîrneyê. OHD’ê diyar kir ku heke Osman radestî Sûriyeyê were kirin dibe ku bê kuştin û xwest ku were berdan.
Berpirsê Navenda Ragihandina HSD’ê Ferhat Şamî da zanîn ku HSD’ê herêmeke berfireh ji komên paramîlîter paqij kiriye. Şamî, got: “Di şer de 18 çete hatin kuştin û 4 endamên Dîfa El Wetenî hatin girtin.”
Hevşaredarê Dêrsimê Mehmet Alî Bul ku li şûna wî qeyûm hatibû tayînkirin, hate berdan.
Mamê Jîna Emînî yê bi navê Safa Alî di encama serdegirtina hêzên rejîma Îranê de hate binçavkirin û girtin.
Hevserokên Giştî yên HDP'ê yên berê Pervîn Bûldan û Mîthat Sancar ji partiya xwe îstifa kirin û tev li Partiya Çepên Kesk bûn. Hejmara wekîlên Partiya Çepên Kesk derket 57’an.
Malbatên 2 kesên li gundê Çamilî yê navçeya Qelqeliyê di encama bombe barandina malekê de jiyana xwe ji dest dabûn, hatin Wanê û ji bo testa DNA’yê xwîn dan.
Parêzer Sezîn Uçar ku ji bo îfadeyê çû Edliyeya Çaglayanê hate binçavkirin.
Di daxuyaniya HPG’ê ya di ANF’ê de wiha hate gotin: “Cenazeyên 4 leşkeran di bin kontrola me de ne.”
Di şer û pevçûnên li Zap, Avaşîn û Metînayê de leşkerek hate kuştin û yek jî birîndar bû.
Danişîna Aysel Tûglûk ku ji ber nexweşiya demansê piştî cezayê wê hatibû taloqkirin hatibû berdan, derbarê wê de ji “endamtiya rêxistinê” dozeke din hatibû vekirin, hat taloqkirin.
Parêzerê nivîskar Abdulmenaf Osman ku piştî 30 salan hatibû berdan Halîl Coşkun got ku dewlet hewl dide miwekîlê wî bişîne Sûriyeyê û banga hestiyariyê li raya giştî kir.
Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re serî li Serdozgeriya Komarê ya Bursayê û Midûriyeta Girtîgeha Îmraliyê dan.
Rojnameger Ehmed Mihemed operasyona HSD’ê ya li Dêrazorê dişopîne û diyar kir ku çapemeniya Tirkiyeyê şerê heyî manîpule dike û hewl dide weke "şerê“kurd-ereban” nîşan bide. Mihemed, wiha got: “Şerê li Dêrazorê di navbera HSD û komên paramîlîter ên Tirkiyeyê de ye.”
Li rojnameger Nazîla Maroofîan ku ji ber hevpeyvîna bi bavê Jîna Emînî re kiriye heta niha 4 caran hatiye girtin, salek cezayê hefsê û 15 milyon tumen cezayê pere hate birîn.