Parêzer Dersîm Erîşen ku bi jinên li Girtîgeha Tîpa L a Panosê bi îşkenceya benê berazan re rû bi rû mabûn hevdîtin pêk anî, diyar kir ku pêkanînên îşkenceyê ji tecrîdê qut nîne û banga hestiyariyê li partiyên siyasî û rêxistinên hiqûqê kir.
Hevserokê Şaxa OHD'ê yê Rihayê Îbrahîm Halîl Oyke bi lêv kir ku Lijneya Îdare û Çavdêriyê li ser girtiyan ferz dike ku fikir û ramanên xwe bêjin lê ev yek li gor qanûnan sûc e. Oyke got ku Lijneya Îdare û Çavdêriyê li dijî hiqûqê tevdigere.
Parlamenterê Partiya Çepên Kesk ê Mêrsînê Alî Bozan diyar kir ku li girtî nikarin bi têrkerî xwarinê bixwin û destnîşan kir ku divê bihayê xwarinê yê rojane weke 50 lîre hatiye diyarkirin divê bê zêdekirin.
Arkeolog Nevîn Soyûkaya diyar kir ku tevî Tirkiyeyê teahûd kiribû ku dê sûrên Amedê û Baxçeyên Hewselê biparêze, ew hildabûn “Lîsteya Mîrateya Cîhanê ya di Xetereyê de” û wiha got: “Armanca me ew e ku em bajêr jinûve bikin cihekî ku lê were jiyîn, jiyanê jinûve ava bikin.”
Ridvan Ayhan ku di dema darbeya 12’ê Îlonê de li Hejmara 5’an Zindana Amedê rastî îşkenceyên giran hat wiha got: “Min şahidî ji zilma li kurdan tê kirin re kir. Derketina li dijî vê zilmê peywireke însanî ye. Nasnameya berxwedanê nabe.”
Li gundê Çalxan a navçeya Sergolanê di navbera salên 1995-1996’an de 9 endamên PKK’ê di şer de jiyana xwe ji dest dabûn. Hate diyarkirin ku li qada gora komî ya 9 endamên PKK’ê lê ne, gorên nû hatine çêkirin.
Şahidên hovîtiya li Zindana Amedê ku piştî darbeya 12’ê Îlonê veguherandibûn navenda îşkencexaneyê, diyar kirin ku heman polîtîka di roja îroyîn de hê dijwartir tên meşandin.
Di hefteya sêyemîn a Lîga 2'yemîn de Amedsporê di sehaya xwe de bi golên Oktay Aydin û Ahmet Derelî Duzcespor 2 û 0 têk bir.
Di maça Amedspor û Duzcesporê de 2 kesên dema Sirûda Îstîklalê dihate xwendin nerabûn ser piyan hatin binçavkirin.
Endama MYK’a HDP’ê ya berê Gulçîn Îsbert, li Almanyaya ku lê sirgunê bû jiyana xwe ji dest da.
Serokê Giştî yê Yekitiya Niştimana Kurdistanê Bafil Talabanî bi rojeva bêçekkirina partiyên kurd ên rojhilatî ji bo hin serdanan bike çû Îranê.
Ji bo endamên HPG’ê Eyup Çelîk û Yilmaz Ûzûn ê hestiyên wî di qûtiyê de hatin teslîmkirin li navçeya Esenlerê şîn hate danîn.
Xelkê navçeya Til Hemîsê bi boneya piştgiriya bi HSD’ê re meşek li dar xist û wiha got: “Serkeftinê îro yên li dijî çeteyên DAIŞ’ê û dewleta tirk, bi saya fedekariya hêzên me û piştevaniya gelên herêmê ye.”
Meclisa Leşkerî ya Minbicê bîlançoya êrişên dewleta tirk û komên wê yên paramîlîter parve kir û da zanîn ku di pevçûnan de 53 endamên komên paramîlîter hatine kuştin û 127 jî birîndar bûne.