Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku zêdetirî 30 meh in tu agahiyan jê nagirin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Zanyarê kurd Apê Mûsa li taxa Cûmhûriyetê ya Amedê ku lê hate qetilkirin û li gundê Sitîlîlê yê navçeya Nisêbînê ku gora wî lê ye bê bîranîn.
Di serdegirtinên malan ên li Colemêrg û Antalyayê de herî kêm 12 kes hatin binçavkirin.
Danişîna doza nûçegihanê DÎHA’yê ku bi KHK’ê hatibû girtin, Abdullah Kaya hate taloqkirin.
Berdevkê Fermandariya Giştî ya Artêşa Iraqê ragihand ku balafira ku êrişî balafirgeha Silêmaniyeyê kirî ji Tirkiyeyê rabûye û wiha got: "Ev êriş, destdirêjiya li dijî xax, ewlekarî û yekparetiya Iraqê ye."
Hat zanîn ku cenazeyên 4 endamên HPG’ê yên di encama bombebarana li gundê Daraqolê ya Liceyê de jiyana xwe ji dest dayîn rakirin ATK’a Amedê.
Serlêdana li Dadgeha Îdarî ya bi daxwaza “rawestandina darizandinê” li dijî biryara qedexekirina Qada Galatasarayê ya li Dayikên Şemiyê hatibû kirin hate redkirin. Prz. Jiyan Tosûn dazanîn ku li AYM’ê amadekariyên serlêdanên nû hatin kirin.
Danişîna doza bi îdiaya “saziyên dewletê biçûk xistiye” li Emîne Şenyaşar hatibû vekirin, bi hinceta “dadger tune ye” hate taloqkirin.
Serokkomarê AKP’î Tayyîp Erdogan li DYA’yê ji pirsa rojnameger a têkildarî girtina Osman Kavala û Selahattîn Demîrtaş aciz bû û got: “Ev yek çima ewqas we eleqedar dike?”
Komeleya Wêjekarên Kurd, bi daxuyaniyekê êrişa li avahiya KNK hatiye kirin şermezar kir û destnîşan kir ku armanc ne kes in, armanc tarûmarkirina yekitiya neteweyî ya kurdan e.
Girtiyê bi navê Muhîttîn Altin li Girtîgeha Tîpa T a Bandirmayê tê ragirtin û 30 sal in girtî ye. Felcê li Altin da ye û înfaza tevî biryara Dadgeha Bilind a “derhiqûqî ye” jî bi hinceta cezayên disiplînê hate şewitandin.
KNK'ê diyar kir ku êrîşa li ser ofîsa wan a li Hewlêrê ji aliyê Tirkiyeyê û hevkarên wê ve li dijî yekîtiya neteweyî hatiye kirin û destnîşan kir ku ew ê karên xwe yên ji bo yekîtiya neteweyî hîn xurtir bikin.
Hevjîna siyasetmedarê kurd Îbrahîm Ayhan di 5’emîn salvegera wefata Ayhan de axivî û got: “Gelê wî ji bo wî bi ser malbat û her tiştekî re bû. Xwe fedayî gelê xwe kiribû.”
Lêkolîner û nivîskar Erdogan Aydin ê rapora 2022'yan a YE'yê ya Tirkiyeyê nirxand, diyar kir ku divê li herêmê çareserî pêk were û got, "Heke çareserî pêk were, kurd û tirk wê rehet bibin."
Polîs Ercan Çetîn, gava parêzer bi fermana serokê dadgehê ji hêwana danişînê hatibûn derxistin êrişî Rêveberê Baroya Amedê Parêzer Seyît Riza Karakaş kiribû û heqaret li Serokê Baroya Amedê Nahît Eren kiribû. Di lêpirsîna der barê polîs Çetîn de biryara "neşopandinê" hat dayîn.