Li gorî Rapora Mudaxilekirina Lezgîn a Azadiya Çapemeniyê (MFRR); di navbera mehên çile-hezîrana 2023’yan de li dijî rojnamegeran gelek caran hincetên bêbingeh ên weke “terorîzm”, “heqareta li dijî peywirdarên cemaweriyê”, “Heqareta li serokkomar” û “Gel ji bo kîn û dijminatiyê sor kiriye” hatin bikaranîn.
Ji şahidên îşkenceya Zindana Amedê ya serdema 12’ê Îlona 1980’î Îsa Kizil jiyana xwe ji dest da.
Komîsyona Girtîgehan a ÎHD’a Enqereyê rapora xwe ya girtîgehên Herêma Anatoliya Navîn a 3 mehan eşkere kir û ragihand ku herî kêm 2 hezar û 292 binpêkirinên mafan qewimîne û li girtîgehên cuda 9 girtiyan jiyana xwe ji dest daye.
Şaxa ÎHD’a Stenbolê di rapora xwe ya Girtîgehên Herêma Marmarayê de got ku di nava 3 mehan de 2 hezar û 491 binpêkirin hatine kirin.
Dadgehkirina Parlamentera HEDEP’ê Adalat Kaya dewam kir. Tevî ku belgeyên parlamenteriya wê çûn ber destê dadgehê jî lê darizandin nehat sekinandin. Daxwaza rakirina qedexeya derketina derveyî welat a li Kaya jî hat redkirin.
Hat ragihandin ku operasyona li çoltarê Licê hatiye destpêkirin li hinek herêman bi “yekîneyên taybe” tê domandin.
Parêzer Ebrû Akal diyar kir ku bêyî alî amade bin dadgehê li şahidên nepen guhdarî kiriye û got ku kesên bi sîfetê gumanbar li dosyayê hatine zêdekirin rê li ber gumanan vekiriye.
Hat zanîn ku li Girtîgeha Karabukê 11 girtî dema berdana wan hatiye jî lê bi biryara Desteya Îdare û Çavdêriya girtîgehê nayên berdan.
Ji bo “Fûara Pirtûkan a Mezopotamyayê” ku dê di navbera 16-24'ê kanûnê de li Amedê pêk bê daxuyaniyek hate dayîn û hate diyarkirin ku fûar dê pirzimanî û pirçandî be.
Şaredariya AKP'î ya Kerboranê, 82 mal û milkên şaredariyê da ber firotinê. Gundiyên îtîrazî firotina erdê ku bi salane diçînin kirin, li ber şaredariyê kom bûn û xwest erd bi bihayekî erzan li wan bê vegerandin.
Dadgeha Destûra Bingehîn der barê parlamenterê girtî Can Atalay de biryara “binpêkirina maf” da.
Di danişîna ewil a doza rojnameger Bêrîtan Canozer de dozger xwest bi îdiaya “endamtiya rêxistinê” heta 15 salan cezayê hefsê li Canozer were birîn.
Rojnamevan Cahît Mervan ê rewşa “Rojhilata Navîn” şiband “tuneleke tarî”, got ku “Di dawiya tunelê de tunebûn jî azadbûn jî heye” û diyar kir ku pirsgirêka Îsraîl û Filistînê dikare bi esas girtina modella Bakur û Rojhilatê Sûriyeyê bê çareserkirin.
Girtiyê bi navê Salman Yilidz ku di êrişa DAIŞ’ê de bi giranî birîndar bûbû û ji sedî 68 astengdar e, nayê tedawîkirin.
Nûnerên Rêveberiya Xweser a Şengalê anîn ziman ku destpêkirina hemleya azadiya Rêberê PKK'ê Abdullah Ocalan girînge û gotin: “Desthilatdar ji fikrên birêz Ocalan ditirsin. Azadiya birêz Ocalan çareseriya hemû pirsgirêkên navnetewî ye.”