Parêzer Cîhan Aydin ji bo miwekîla xwe siyasetmedar Gultan Kişanak a ku dema girtina wê tije bû, ji bo bê berdan serî li dadgehê da û got: “Girtina birêz Kişanak bi biryarên siyasî ve girêdayî ye. Daxwaza me bê redkirin, em ê serî li AYM’ê bidin.”
Binevser Muhammed Şukru Kaya ku bi darê zorê biribûn cihê operasyonê, jiyana xwe ji dest da. Dewletê îdia kir ku Kaya “întîhar” kiriye. Lê malbata Kaya vê qebûl nake û dibêje ku fermandarê wî gef lê xwaribûn, cilên wî yên dema bûyerê hatine îmhakirin û gumanên wan hene.
Şaredarê Herêma 8’an a Romayê Amadeo Ciaccheri diyar kir ku hewcehiya wan bi azadiya Rêberê PKK’ê Abdullah Ocalan heye û wiha got: “Tiştên îro li Rojhilata Navîn diqewimin, nîşaneya girîngiya azadiya wî ye.”
Nûnerên rêxistinên civaka sivîl ên li Wanê, diyar kirin ku 32 meh in tu xeber ji Rêberê PKK'ê Abdullah Ocalan nayê girtin û gotin: "Gelê kurd dixwaze agahî ji birêz Ocalan bigire."
Ji Girtîgeha Hejmara 1 a Sîncanê 30 girtiyan name ji CÎSST'ê re şandin. Girtiyan di nameyên xwe de diyar kirin ku rêveberiya girtîgehê pirtûkên kurdî nade wan, stranên kurdî û govendgerandin jî qedexe ne.
Cenazeyê Recep Çakir ku li Nisêbînê di dema qedexeya derketina derve de jiyana xwe ji dest da, 5 sal in radestî malbatê nehatiye kirin. Abdûrrahman Çakir diyar kir ku tekane daxwaza wan ew e ku li ser gora birayê xwe dua bikin.
Serokê Giştî yê EHP'ê Hakan Ozturk anî ziman ku divê destholat banga "wekheviyê" ya ji bo êrişên li ser Filistînê ji bo Bakur û Rojhilatê SÛriyeyê jî bike û got ku wekî meseleya Filistînê divê meseleya kurdan jî esas bê girtin.
Dayikên Aştiyê ku bertek nîşanî êrişên Tirkiyeyê yên li ser Bakur û Rojhilatê Sûriyeyê dan, gotin ku desthilata ku êrişên Îsraîlê şermezar dike, li Rojava zarokan û nexweşxaneyan bombeberan dike.
Xwendekarên Zanîngeha Dokûz Eylulê ku ji bo zema ji bo xwarinê bê vekişandin kampanyaya îmzeyan dabûn destpêkirin, piştî bidawîbûna kampanyayê li Kampusa Tinaztepe xwendekar hatin gel hev û daxuyaniyek dan. Xwendekaran diyar kir ku divê zema ji bo xwarinan bê betalkirin.
Girtiyê nexweş Cemal Tanhan ku li Nexweşxaneya Dewletê ya Boluyê dihat tedawîkirin, felc bû. Hat zanîn ku ji ber nexweşiya lê dimîne nikare tedawiya wî pêşwazî bike, sewqî Eskîşehîrê hate kirin.
Rojnameger-niv3ıskar Ahmet Tulgar di yekemîn salvegera wefata xwe de li ser gora xwe hat bibîranîn.
Rêxistina Şopandina Mafên Mirovan a Navneteweyî ragihand ku ji êrişên dewleta tirk ên li dijî Bakur û Rojhilatê Sûriyeyê bi milyonan kes bibandor bûne.
Di hevdîtinên bûdçeyê de li ser “Dijminatiya li kurdan” nîqaş derket. Parlamenterê HEDEP’ê Sezaî TEmellî got ku bûdçeya 2024’an “Bûdçeya şer, bêedaletî û ewlehîperstiyê” ye û wiha got: “Hûn hewl didin xwe bi dijminatiya li dijî kurdan xweyî bikin û aboriyê sererast bikin.”
Siyasetmedara girtî Ayşe Yagci ku di Doza Kobanê de parastin kir, bal kişand ku bi dosyaya beriya 21 salan tê darizandin û wiha got: “Ev yek nîşan dide ku ev doz bi kîjan armancê hatiye amadekirin.”