Biryara ku ji hêla Wezareta Hawirdor, Bajarvanî û Guherîna Avhewayê ve weke Qada Avahiya Rezerv a Girtîgeha Bucayê hatibû îlankirin ji aliyê 6’emîn Dadgeha Îdareyê ya Îzmîrê ve hate betalkirin.
Di doza êrişa li dijî avahiya HDP’a Marmarîsê de dadgerê dozê hate guherandin.
Di doza rojnamegeran de li Huseyîn Durudenîz weke şahidê eşkere hatibû guhdarîkirn. Şahidê eşkere Durudenîz diyar kir ku rojnamegeran nas nake û têkildarî îfadeyên xwe yên hevnegirtî wiha got: “Polîsekî dinivîsand. Piştre veguherandin dosyayê û ji min re anîn. Min jî îmze kir.”
Danişîna doza derbarê rojnamevan Hakki Boltan de bi îdiyaa "heqaret li Serokkomar kiriye" hatiye vekirin hate lidarxistin. Dadgehê di danişînê de derbarê Boltan de biryara anîna bi darê zorê da.
Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 32 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Li Girtîgeha Hejmar 2 ya bi Ewlekariya Bilind a Amedê tevî kamerayan tespît nekirine jî bi îdiaya “li deriyan xistin û bûn sedema tirsê” cezayê disiplînê li 10 girtiyan hate birîn.
Derket holê ku Wezareta Polîtîkayên Civakî û Malbatê keça êzidî ya di bin parastina wê de radestî malbata DAIŞ’î ku ew revandin Tirkiyeyê û li ser dark webê “dane ber firotinê” kiriye.
Welatiyê bi navê Emîn Soyal ê 78 salî tevî rapora xwe ya “ji sedî 91 astengdar e” û di dilê wî de pîl heye jî hate girtin. Kurê Soyal, Mesût Soyal bertek nîşan da û got: “Bavê min nikare bi tena serê xwe sexbêra xwe bike. Heke kesek lê nenihêre, nikare bixwe û vexwe jî.”
Li herêma Biradost a navçeya Sîdekanê bi êrişeke hewayî wesayîtek hedef hate girtin.
Jinên ku di êrişên hewayî yên dewleta tirk ên li dijî Wargeha Penaberan a Mexmûrê de xizmên xwe winda kirin û birîndar bûn, destnîşan kirin ku divê hestiyariya ji bo Filistînê tê nîşandan ji bo wan jî bê nîşandan.
Penaberê bi navê Îsam Haciaramadan 13 roj berê li Qoserê hate binçavkirin û tu agahî jê nayên girtin. Malbata Haciramadan got ku kesek li xizmên wan geriyaye û jê re gotiye “Di destê îstîxbaratê de ye” û ji wan fîdye xwestiye.
Serokê Odeya Endezyarên Zîraatê Samed Ûcaman, têkildarî damezrandina Konseya Çandiniyê ya Amedê axivî û got: “Ev konsey hêzekî navxweyî ye û li dijî pirsgirêkên di çandiniyê de diqewimin û ji bo ev pirsgirêk ji holê bên rakirin, hat avakirin.”
Li gundê Kalemkaş ê bi ser bajarokê Harmanli ya navçeya Sergolanê ku ji sedî 90’ê wê di erdhejê de hilweşiya, mexdûrên erdhejê bi ruhê komunê gundê xwe yê weranbûyî û jiyana xwe ji nû ve ava dikin.
Hevseroka Şaxa Egîtîm Sen a Rihayê Mahmût Bînîcî, anî ziman ku piştî destdirêjiya miftî Halîl Bîlîk a li zarokekê, dibistan bûne qadên ne bi ewle.
