Emîn Soyal ê 78 salî ku ji sedî 91 astengdar bû û hatibû girtin, piştî îtiraza parêzeran hat berdan. Soyal got ku ya tê kirin ji zilmê pêvtir ne tu tişt e û wiha got: "Ma piştî vî emrê xwe ez ê ji kurdbûna xwe poşman bibim?"
Li Wanê amadekariyên "Meşa Azadiyê" ya li dijî tecrîdê ku dê ber bi Gemlîkê ve bê lidarxistin, didomin. Kesên beşdarî civînên gel bûn, diyar kirin ku dê nerazîbûna xwe ya li dijî tecrîdê di meşê de bidin der û gotin: "Em ê ji bo heq û edaletê li wir bin."
Ji îmzevanên deklarasyona "Banga Aştiyê" Serokê Giştî yê EHP'ê Hakan Ozturk got: "Divê em fêm bikin ku xwestekên gelê kurd, xwestekên asayî û mafdar in."
Nexweşxaneya Dewletê ya Elkê ku derbarê wê de biryara hilweşînê ya bilez hate dayîn, veguhestin dibistanê. Xwendekeran li vir perwerde didîtin jî veguhestin dibistanên cuda. Rêveberê Şaxa SES’a Şirnexê Enes Încîn anî ziman ku bi salan e ji ber nelihevkirina rantê avahiya nû nikare bê avakirin.
Nivîskara kurd Xecê Rêdûr ku ji rojhilatê Kurdistanê ye, bal kişand ser xebatên xwe û got “Xebat û pirtûkên min li ser azadî û wateya jin û zarokan e, armanca min jî ew e ku vê azadî û wateyê bi felsefeyê berfirehtir Bİ zarokan bidim fêmkirin.”
Girtiyên nexweş Fevzî Arslan û Şehîrban Mîmkara di hevdîtina bi parêzerên xwe re îşkenceya li wan hatiye kirin vegotin û banga hestiyariyê kirin.
Wezareta Koç û Koçberiyê ya Iraqê ragihand ku 170 êzdiyên din jî ji Kampa Şarya ya Dihokê ya Başûrê Kurdistanê vegeriyane Şengalê.
Li Qoserê ji bo balê bikişînin tecrîda li ser Rêberê PKK’ê Abdullah Ocalan civîna gel hat lidarxistin. Welatiyan di civînê de payama, “Ji bilî azadiya Ocalan wek din tu şansê me nîne.”
Parêzerê siyasetmedara girtî Dîlek Yagli, Hakan Bozyurt di Doza Kobanê de diyar kir ku Wezareta Dadê aliyekî dozê ye û wiha got: “Di esasê xwe de dema mirov lê dinêre hûn jî ne bi awayekî yekser aliyekî dozê ne.”
Rojnameger Nagihan Akarsel li Silêmaniyeyê hatibû qetilkirin û pirtûka wê ya helbestan a bi navê “Nîsan” hate weşandin.
Di doza 49 endamên OHD û TUAD’ê de dozger dê mutalaayê amade bike.
Parêzer Ozgur Yaldiz di Doza Kobanê de axivî û darizandina siyasetmedarên kurd wek “Parrhesia (Vegotina heqîqetê) Foucault nirxand û siyasetmedarên tên darizandin jî ew kêsên ku heqîqetê vegotine ne.
Li Midyadê têkildarî kuştina welatiyê sûryanî Gevriye Akguç lêpirsîn hat destpêkirin. Di çarçoveya lêpirsînê de 15 kes hatin binçavkirin.
Hasan Îpek ku li Girtîgeha Hejmar 1 a bi Tîpa T a Bandirmayê dihat ragirtin, piştî 30 salan hate berdan.