MÛŞ - Şîna endama YJA Starê Zeynep Ersonmez ya li navçeya Milazgirê ku li Herêma Federe ya Kurdistanê jiyana xwe ji dest dabû, bi girseyî hate ziyaretkirin.
Ji bo endama YJA Starê Zeynep Ersonmez (Avaşîn Întîkam) ku di 12’ê Gulana 2020’an de li Herêma Federe ya Kurdistanê jiyana xwe ji dest dabû, li gundê wê Şebo yê navçeya Milazgirê ya Mûşê şîn hate danîn. Partiyên siyasî, rêxistinên civaka sivîl, Meclisa Dayikên Aştiyê ya Mûşê, aktîvîstên TJA’yê û gelek welatî bi pêşengtiya MEBYA-DER’ê çûn serdana şînê. Girseya ku di têketina gund de kom bû, bi dirûşma “Şehîd namirin” ber bi cihê şînê ve meşiya. Girse, ji hêla malbat û gundiyan ve bi çepikan hat pêşwazîkirin.
Wekîla DEM Partiyê ya Mûşê Sumeyye Boz di şînê de axivî û got: “Em ê mîrateya wan ji me re hiştî, Banga Aştî û Civaka Demokratîk mezintir bikin û dewr bigirin.”
Girseyê ji malbatê sersaxî xwest û serdan bi kirina duayan bi dawî bû.