Weşanxaneya Lîsê, dîwana helbestan a ewil a Cegerxwîn ku heta niha qet nehatibû çapkirin jî di nav de 5 pirtûkên nû çap kirin. Ji van pirtûkan yek jê jî Dîrok û Şaristaniya Ûrartûyan a Îhsan Colemêrgî ye.
Kurte fîlma binavê “Cî Nema” ya çîroka zarokekê biçûk Rodî ku ji Cizîrê diçe Stenbolê û li wir jî cih nabîne, di demek nêz de derkeve pêşberî huner hezan. Derhênerê fîlmê Cabbar Alp, got: “Ez hêvî dikim ku dengê min xwest bidim bihîstin, bê bihîsitin.”
Piştî Bendava Ilisû avê kom bike, wê hem bajarê dîrokî û çandî Heskif di bin avê de bimîne û hem jî wê bajarê kendavê Tel-Fafan yê ji serdema Sîm de maye di bin avê de bimîne.
Dîrokzan-nivîskar Mehmet Bayrak di pirtûka xwe ya bi navê "Kurtlerin ve Kurdistan'in Gorsel Tarihi" de, bi hêlekê bi vegotineke dîtbariyî dîroka kurdan vedibêje, li hêla din jî dîroka kurdan a ji hêla dewletê ve hatiye berpêşkirin jî mehkûm dike.
Di çarçoveya Festîvala Çand û Xwezayê ya Mûnzûrê de şahiyên li Bajaroka Perî ya dê 2 roj dewam bike jî hat destpêkirin.
Beşdarên Mihricana Xweza û Çanda Mûnzûrê ya Dersîmê bertek nîşanî biryarên waliyan ên qedexekirina bernameyên çandî dan. Serokê DEDEF'ê Ali Haydar Ben, diyar kir ku kes nikare li ser navê civakê biryarê bidine û west şert û mercên demokratîk bên avakirin.
Dersimiyan ji ber du sal Festîvala Mûnzûrê hat qedexekirin û ji bo dîsa neyê qedexekirin naveroka wê lawaz hat hiştin bertekên xwe anîn ziman û gotin: “Ev festîval nabe bersiva tiştê em dijîn.”
Piştî konsera Mem Ararat hat betalkirin, niha jî konsera hunermend Azad Bedran û Zinar Sozdar a li Nisêbînê betal kirin. Hunermendan bertek nişanî betalkirina konserê da û diyar kirin ku konserê wan li cihên din nehatine betmalkirin, lê li Nisêbinê betal dikin. Hunermendan anîn ziman ku ev bêtehamuliya li hemberî Kurdî ye.
Ferhat Demîr ê li taxa Xaçortê kargeriya rîşalê vekir bi 6 jinên ciwan re dixebitînin û kelûpelên xemlê çêdikin. Jinên ciwan hem hunerê fêr dibin hem jî ji kelûpelên xemlê kara aborî dikin. Xebatkarên kargehê dibêjin ku ew ji karê xwe kêfxweş in.
Festîvala Çand û Xwezayê ya Munzûrê bi ziyareta Gola Çeto û niyazan dest pê kir. Pîrê elewî Zeynel Kete vê bangê kir: “Gavek berê gavekê destê xwe ji ser pîroziyên me rakin.”
Piştî şaredarî ji qeyûman hatin stendin, çalakiyên çand û hunerî yên hatiûn qedexekirin careke din dest pê kirin. Jin û ciwanên ku tev li çalakiyên çand û hunerî yên Parka Koşûyolûyê bûn, ji ber vê yekê kêfxweş in.
Amadekariya Mihrîcana Xweza û Çanda Mûnzûrê ya Dersimê bi dawî bû. Mihrîcan sibê dest pê dike. Endamê Komîteya Amadekar a Mihricanê diyar kir ku wê mihrîcanê diyarî Nupelda û Ayaz ên li Pilûrê di teqînê de jiyana xwe ji dest dan bikin.
Şahiyên Koşûyolu ya ji aliyê Şaredariya Bajarê Mezin a Amedê ve tê lidarxistin di roja duyemîn de bi konsera Koma MA Muzîkê dewam kir. Komê dengê stranên hunermend Mihemed Şêxo û Aram Tîgran li Amedê belav kirin.
Bi ser koça dawî ya hunermend Hozan Serhat ê di bîra gelê kurd cih girtiye 20 sal derbas bû. Hozan Serhat bi gotinên “Çavkaniyek me ya xurt heye” li dijî tunekirina çanda kurd bi stran û awazên xwe têdikoşe.
Rojên Şanoya Gerok a Zarokan ku ji aliyê Şaredariya Bajarê Mezin a Amedê ve tê lidarxistin bi eleqeyek mezin dest pê kir.