Li Amedê polîsan milê parêzer Hakîm Marol şikandibûn. Dîmenên bûyerê derketin holê. Di dîmenan de tê dîtin ku polîs ji bo milê Marol bişikîne heya ji destê wî tê, milê wî ba dide.
Girtiyên siyasî yên li girtîgehên bakurê Kurdistanê û Tirkiyeyê bi daxwaza “Ji Abdullah Ocalan re azadî, ji bo pirsgirêka kurd çareserî” 62 roj in di çalakiya greva birçîbûnê de ne.
Ji rojnameger Silêman Ehmed ku ji hêla asayîşa PDK’ê ve hatiye revandin, 95 roj in tu agahî nayên girtin.
Derket holê ku bi giştî deynê Şaredariya Bajarê Mezin a Wanê ku di bin rêveberiya qeyûmê de ye, 3 milyar û 679 milyon û 382 hezar û 988 TL ye.
Hevserokê MED TUHAD-FED’ê Kerem Canpolat derbarê “Meşa Mezin a Azadiyê” de ku dê di navbera 1’ê sibatê û 15’ê sibatê de bê lidarxistin ev bang kir: “Werin destên xwe bidin me û ji bo şikandina tecrîdê, çareseriya pirsgirêka kurd û pirsgirêkên giştî yên welatê me tev li meşa me bibin.”
2’yemîn Dadgeha Ceza ya Sûlhê ya Erziromê malpera webê ya Rojnameya Xwebûnê asteng kir.
Dadgehê biryara berdana Nûçegihanê Rojnameya Yenî Demokrasiyê Erhan Çita da ku li Girtîgeha Ewlehiya Bilind a Hejmar 1 a Xarpêtê girtî ye.
Notirvanên ku ji ber muzîka kurdî tundî li Ferhat Çelîk ê li navçeya Alîagayê kirin, gef li xwediyê kargeha Çelîk xwarin û xwestin ji kar bê avêtin.
Mûtlak Tozûn ê 30 salan di girtîgehê de û li Nexweşxaneya Perwerdehî û Lêkolînê ya Ataturkê ya Îzmîrê teşxîsa pençeşêrê lê hat danîn, di dema dermankirinê de hat berdan.
Parlamentera DEM Partiyê Perîhan Koca ya piştgiriya Nobeta Edaletê ya li gelek bajaran berdewam dike kir, wiha got: “Berxwedana wan berxwedana me, daxwazên wan daxwazên me ne. Em jî dê berxwedana xwe bi awayekî biryardar bidomînin.”
Rêveberên Rêxistina ESP’a Edeneyê yên ji bo tecrîda li Îmraliyê bi dawî bibe rojekê “Nobeta Edaletê” pêk anîn, wiha gotin: “Ji bo ku tecrîdê rakin û bibin dengê girtiyan me Nobeta Edaletê da destpêkirin.”
Navenda Mafên Zarokan a Baroya Amedê li Girtîgeha Jinan a Amedê binpêkirinên li dijî zarokên keç lêkolîn kir û da zanîn ku li dijî zarokên keç îşkence û muameleya xerab hatiye kirin û mehremiyeta wan hatiye binpêkirin.
Li Silêmaniyê piştî êrişa li dijî qada gaza xwezayî hilberîn rawestiya, ji ber gaza ji bo santralên ceyranê diçe hate birîn, gelek mal bê ceyran man.
Berdevka DEM Partiyê Ayşegul Dogan diyar kir ku xebatên wan ên li bajarên tê mereqkirin didome û wiha got: “Dê namzetên deverên pêşhilbijartin lê hatiye kirin di 29’ê çileyê de bên danasîn. Dêrsim bêyî DEM’ê nabe û ji DEM’ê nayê veqetandin.”