Kurdistanî û dostên wan ên li Ewropayê wê di salvegera Komploya 15'ê Sibatê de komployê li Strasboûrgê li ber avahiya CPT'yê û di 17'ê sibatê de jî li Kolnê bi meş û mîtîngekê şermezar bikin. Hevseroka KCDK-E'yê Zubeyde Zumrutê diyar kir ku protetsyên ku ew wekî destpêk dihesibînin heta ku Abdullah Ocalan azadiya xwe ya fîzîkî bi dest nexe, wê bidomin.
Salih Surucu ku bi Rêberê PKK'ê Abdullah Ocalan re xebitiye û bi rojan bi hev re axivîne anî ziman ku Abdullah Ocalan bandoreke mezin li ser wî kiriye û got: "Min kesek wisa qet nedîtibû. Kesek wisa li dinyayê tune ye. Kesayeta Serok, keseyetekî pir cuda bû."
Meşvanên Azadiyê Ekîn Wan ya li Gigimê jiyana xwe ji dest dabû û cenazeya wê hatibû teşhîrkirin û Hakan Buksur yê di çalakiyên Kobanê de hatibû qetilkirin bibîr anîn.
Endamê Meclisa Ciwanan a DEM Partiyê Kemal Çakmak ê bi hinceta “endamtiya rêxistinê” hatibû binçavkirin, hate berdan.
Sivîlê ku di êrişa çekdarî ya li pêşiya noqteya polîsan a Edliyeya Stenbolê de birîndar bûbû jiyana xwe ji dest da. RTUK’ê der barê êrişê de biryara qedexekirina weşanê da.
Bi boneya salvegera erdhejên 6’ê Sibatê ku navenda wan Mereş bû, li gelek bajaran çalakiyên bîranînê hatin lidarxistin û wiha hate gotin: “Em ê piştevaniyê mezin bikin, êşên xwe parve bikink û birînên xwe bi hev re derman bikin.”
Di Nobetên Edaletê yên li gelek bajaran berdewam dikin de, qûrbaniyên di erdhejên 6’ê sibatê de jiyana xwe ji dest dan hatin bibîranîn.
Polîsên bi ser Navenda Çandê ya Îdîlê û Buroya Hiqûqê ya Gel de girtin, endamên Grûp Yorûmê binçavkirin.
Meşvanên Azadiyê yên ku li Siopiyayê bi jinan re hatin gel hev gotin ku heta çalakiya wan digihije armanca xwe dê bidomînin û ev tişt anîn ziman: “Birêz Ocalan dikare pirsgirêka kurd çareser bike. Me jî xwest dengê vê bilind bikin lewma me dest meş da destpêkirin.”
Polîs Kazim Bozkûrt ê Recep Hantaş ê karton berhev dikir kuştibû ji sûcê “Kuştina bi qestî” beraet kiribû û biryara beraetê ji aliyê Îstînafê ve hate xerakirin. Ji polîs Kûrt ê jinûve tê darizandin re ji sûcê “qusûra bizanebûn bû sedemê mirinê” heta 6 salan cezayê hefsê hate xwestin.
Doza nûçegihanê MA’yê Mehmet Şah Oruç hat lidarxistin. Dadgehê biryar da ku tevdîra kontrola edlî bidome û doz taloqî 14’ê gulanê kir.
Di danişîna doza kameraman Remzî Akkaya yê 9 meh in girtî jê tê darizandin de biryar hat dayîn ku girtina wî berdewam bike.
Hevserokê Giştî yê DEM Partiyê Tuncer Bakirhan li Meletiyê di merasîmên bîranînê de axivî qurbaniyên erdhejê bi bîr anî. Bakirhan, bertek nîşanî gotinên Erdogan ên têkildarî Hatayê da û wiha got: “Gotinên wî mîna karesata erdhejê em êşandin. Hem îktîdar hem jî muxalefet di bin kavilan de ma.”
Li navçeya Samandagê kesên ku di erdheja 6’ê Sibatê de jiyana xwe ji dest dane, bi meşeke girseyî hatin bibîranîn.