Malbata Şenyaşar a Nobeta xwe ya Edaletê didomîne li ser hesaba xwe ya medyaya dîjîtal ev peyam parve kir: “Ev hilbijartin dê di navbera kesên edalet û serweriya hiqûqê diparêzin û kesên hiqûq û edaletê qetil dikin de be.”
Namzetên parlamenteriyê yên Partiya Çepên Kesk ên Stenbolê Cengîz Çîçek û Sirri Sureyya Onder çûn serdana Bûroya Hiqûqê ya Sedsalê. Parêzeran di serdanê de diyar kirin ku nîqaşên bêyî agahî ji Abdullah Ocalan were girtin tên meşandin, nayên qebûlkirin.
Li navçeya Gebzeyê 5 HDP’iyên hatibûn binçavkirin, bi hinceta di parvekirinên xwe yên medyaya dîjîtal de “propagandaya rêxistinê” kirine hatin girtin.
Li rojnamevan Ferhat Çelîk û Îdrîs Yayla yên ji ber nûçeyên li ser welatiyên li navçeya Şaxê ji helîkopterê hatin avêtin, tên darizandin, salek û 3 meh cezayê hefsê hate birîn.
HDP’ê û Partiya Çepên Kesk çûn serdana stranbêjê kolanê Cîhan Aymaz ê bi êrişeke nijadperest hate qetilkirin. Namzeta parlamenteriyê Dêrsim Dag a li vir axivî, wiha got: “Em sûcdaran nas dikin, em ê hesaba wê bipirsin û bibin şopdarên dozê.”
Bi boneya 86’emîn salvegera Komkujiya Dêrsimê, ji bo qurbaniyên komkujiyê bîranîn hat lidarxistin. Ji şahidên komkujiyê Raîme Kizilkan di bîranînê de axivî û wiha got: “Zîhniyeta komkujer hêj jî didome.”
Welatiyên bi navên Emîrcan Bozkurt û Omer Koker ku li Tekîrdagê ji ber parvekirinên medyaya dijîtal hatibûn binçavkirin, hatin girtin.
YSK’ê aşkere kir ku ji bo hilbijartinên 14’ê Gulanê ji hilbijêrên derveyî welat milyonek û 138 hezar û 743’yan dengê xwe dane.
Danişîna ewil a êrişa çekdarî ya li dijî Rêxistina HDP’a Marmarîsê bi hinceta ku bersûc “tedawiyê dibîne” hate taloqkirin.
Hevserokê Egîtîm Sena Amedê Zulkuf Guneş diyar kir ku endamên KESK’ê yên ji bo li ser sindoqan bibin wezîfedar navê xwe nivîsandine lê navên wan hatine jêbirin û got: “Em carek din diyar dikin ku ewlehiya hilbijartinê di bin xetereyê ye.”
HPG’ê bi daxuyaniyekê nûçeyên têkildarî êrişên ser fermandarên wan derewand û got ku fermandarên wan li ser peywira xwe ne.
Danişîna doza ku rêveberên GOÇÎZDER’ê jê tên darizandin taloqî 12’ê cotmehê hatin kirin
Karkerên înşeatê ku muçeyên xwe nagirin çalakî li dar xistin. Polîsan êrişî çalakiyê kir û namzeta parlamenteriyê ya Partiya Çepên Kesk Kezban Konukçu û 15 karker hatin binçavkirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 2 salan zêdetire tu agahî jê nayên girtin, dîsa serî li Serdozgeriya Komarê ya Bursayê û Miduriyeta Girtîgeha Îmraliyê dan.
Ji rojnameya Evrensel'ê Sefer Selvî bi boneya Roja Azadiya Çapemeniyê ya Cîhanê rojnameger Dîcle Muftuoglû û Sedat Yilmaz xêz kir ku hatibûn girtin.