Hevserokên HDP'a Şirnexê bal kişandin ser provakasyonên ku piştî hilbijartinê ji aliyê polîsan ve tên kirin û gotin ku hin hêzên tarî ji bo ku gelê Botanê di 28'ê Gulanê neçe ser sindoqan û gel çavtirsandî bikin serî li her cure provakasyon û lîstikan didin. Hevserokan bang li gel kir ku berbayê van provakasyonan nekeve û di 28'ê Gulanê de her kes biçe ser sindoqan.
Serokê Şaxa ÎHD'a Wanê Mehmet Karataş diyar kir ku tecrîda li ser Rêberê PKK'ê Abdullah Ocalan li hemû girtîgehan belav bûye û got ku divê ev yek piştî hilbijartinê di nava rojevên sereke de be.
Li Semsûrê ji ber bendava Koçaliyê ku ji aliyê DSÎ'yê vê tê çekirin, gundên Şexbor, Şenikan, Qarikan û Bûkan tên valakirin. Şêniyên gundan naxwazin ji gundên xwe derkevin.
Di 17 mehên dawî de li girtîgehan 93 girtiyan jiyana xwe ji dest da. Parêzerê ÎHD'yî Ahmet Çîçek diyar kir ku desthilatdarî hiqûqa dijminatiyê pêk tîne û divê dest ji vê cotstandardiyê bê berdan.
Hêzên Iraqê hewl didin derdora Wargeha Penabaran a Mexmûrê bi têlan dorpêç bike.
Balafireke bêmirov a biçek a dewleta tirk baregeheke leşkerî ya başûrê Minbicê bombebaran kir. Di bombebaranê de 4 leşkerên hêzên hikumeta Şamê jiyana xwe ji dest dan.
YSK'ê encamên tûra yekê ya hilbijartinên serokkomariyê eşkere kir.
Malbata Şenyaşar a Nobeta xwe ya Edaletê didomîne ev peyam parve kir: “Guhertina hikumet û rêveberên bêedalet wezîfeyeke însanî ye. Em bi bêdengiyê nebin hevkarê zilmê.”
Hate hînbûn ku hestiyê kemaxê yê zaroka ku maşîneya zirxî li Silopiyayê lê dabû şikestiye û li dijî xetereya xwînbûyîna hundirîn li nexweşxaneyê di bin çavdêriyê de ye.
Hevseroka Giştî ya HDP’ê Pervîn Bûldan di bîranîna kesên hatine windakirin de axivî û bal kişand ser hilbijartina 28’ê Gulanê û got: “Ji bo em tercîha di navbera ronahî û tarîtiyê de bikin, fersendek me ya dawî heye.”
Platforma Ewlehiya Hilbijartinê, têkildarî hilbijartina serokkomariyê ya ji tûra dûyemîn re ma ev bang kir: “Em bi hev re biçin ser sindoqan.”
Girtî Fevzî Aktaş ê piştî 30 sal û 6 mehan ji Girtîgeha Tîpa T a Tekîrdagê hate berdan, li bajarê xwe Mêrdînê bi çepikan hate pêşwazîkirin.
Siyasetmedarê kurd ê girtî Selahattîn Demîrtaş têkildarî hilbijartina serokkomariyê ev bang kir: “Em tevgereke mirovahiyê ne. Em tevgera têknaçin in. Rabe ser xwe û biguherîne.”
Hevserokê Şaxa OHD’a Rihayê Meral Halat bertek nîşanî binçavkirina parêzeran a di operasyona navenda wê Amedê de da û anî ziman ku girtin û binçavkirina parêzerên xebatên xwe dikin binpêkirina mafên mirovan e.”