Hikûmxwarê edlî Emrûllah Kanîoglû ji bo darizandina adilane dest bi greva birçîbûnê kiribû û piştre çalakiya xwe veguherand rojiya mirinê. Çalakiya Kanîoglû di roja 300’an de didome û ji ber ku rewşa wî giran bû, rakirin nexweşxaneyê. Kanîoglû tedawî qebûl nekir û hat zanîn ku rewşa wî giran e.
Nûçegihanê Rojnameya Ozgur Gundemê Hafiz Akdemîr wê sibê li kuçeya Sûrê kul ê hatibû qetilkirin, were bibîranîn.
Cenazeyê siyasetmedar Mehmet Çîçek ê jiyana xwe ji dest da li Rihayê hate veşartin.
Dozger ê di danişîna doza cerdevan Ramazan Babat ê ji ber tecawizkirina zarokê tê darizandin de mutalaaya xwe aşkere kir, xwest ku ji bilî faîl, bavê zarok, kekê wê, sercerdevanê berê Şehmûs Babat, kurê wî Çetîn Babat û Sadî Babat cuda cuda bên cezakirin.
Endamên Egîtîm Sen’ê serdana Emîne Şenyaşar a têkoşîna xwe ya edaletê bênavber didomîne kirin. Hevserokê Şaxa Egîtîm Sen’ê Mahmût Bînîcî, anî ziman ku di bingeha hemû pirsgirêkan de bêedaletî heye.
Siyasetmedar Aynûr Aşan di Doza Kobanê de axivî, bal kişand ser serbixwebûna darazê û ji şandeya dadgehê re wiha got: “We pişta xwe daye cihekî saxlem.”
ÎHD’a Îzmîrê daxuyand ku li Herêma Egeyê di salekî de 724 binpêkirinên mafan ên zarokan qewimî ne.
Li Rihayê ji bo nan lîreyek zem hate kirin û bi vê yekê re nan derket 5 lîreyan.
Mutehîdê duyemîn ê Sîteya Ebrar Tevfîk Tepebaşi ku di erdheja Mereşê de herî zêde welatî lê miribûn, hat girtin.
Parêzer Aryen Tûran a ji bo bikaranîna çekên kîmyewî yên li dijî herêmên Avaşîn, Zap û Metînayê anîbû rojevê bi sûcdariya “alîkariya rêxistinê” dihat darizandin beraet kir.
Komên paramîlîter ên bi navê “Polîsên leşkerî” ku girêdayî Tirkiyeyê ne, li Efrînê 4 welatî revandin.
Cenazeyê endamê HPG’ê Alî Akdogan ê di êrişa hewayî ya li herêma Omeriya ya Mêrdînê jiyana xwe ji dest dabû, li Wanê hate veşartin.
Kubra Çoban a 14 salî ku di pîrozbahiyên alîgirên Erdogan de bi giranî birîndar bû li nexweşxaneyê tê dermankirin. Kekê wê Cuma Çoban diyar kir ku xwişka wî we 10 roj in li beşa lênêrîna awarte ye û wiha got: "Dewletê dikarî tedbîran bigire ji ber ku di 14'ê gulanê de jî heman awayî pîrozbahî hatin li darxistin."
Malbatên qurbaniyên Komkujiya Pirsûsê bi sedema ku faîl nehatine girtin bertek nîşanî dadgehê dabûn û bi îdiaya “Gef li dadgehê xwarin û heqaret kirin” doz lê hatibû vekirin. Danişîna dozê hate lidarxistin.
Di malpera înternetê ya Şaredariya Artemêtanê de hatiye nivîsandin ku Goristana Ermenan çawa hatiye tunekirin û li serê rê û malên TOKÎ’yê hatine çêkirin.