Bûroya Hiqûqê ya Sedsalê têkildarî tecrîda girankirî ya li ser Rêberê PKK’ê Abdullah Ocalan daxuyanî da û wiha got: “Divê li gorî biryarên tevdîrê yên NY’yê tevbigerin, dawî li vê rewşa agahînegirtinê û sepanên îşkenceyê bînin.”
Nûnerê TÎHV’ê yê Stenbolê Umît Efe diyar kir ku tecrîda li Girtîgeha Tîpa F a bi Ewlekariya Bilind a Îmraliyê di nava civakê de rê li ber fikaran vedike û ev tişt anî ziman: “Divê hemû raporên CPT’yê bên eşkerekirin û li hemû şîretan were guhdarîkirin.”
Dema girtiyê bi navê Îbrahîm Yîgît li Girtîgeha Tîpa S a Kirşehîrê dihat sewqkirin, tevahiya alav û amûrên wî di wesayîtê de rîngê de şikestin.
Endama Komîteya Jineolojiyê ya Almanyayê Smmarfeld diyar kir ku ew bi hêza ji têkoşîna jinên kurd digire tev li têkoşînê bûye û wiha got: “Jineolojî, dike ku em li ser sedemên pirsgirêkan bi hûr û kûr bifikirin û çareseriyên baştir bibînin.”
Mazlûm Dag û Abdûrrahman Er ku li girtîgeha Hewlêrê bi muameleya xerab re rûbirû dimînin 40 roj in di çalakiya greva birçîbûnê de ne.
Ferît Şenyaşar gazî Wezîrê Dadê Yilmaz Tunç kir û got: “Em ê demekî deynin pêşiya xwe û heke daxwazên me yên hiqûqî neyên qebûlkirin em ê werin Enqereyê û em ê li pêşiya wezaretê nobeda xwe bidomînin.”
100 kesên di meşa duh a li Stenbolê de bi lêdanê hatibûn binçavkirin, îro hatin berdan.
Li ser sînorê di navbera başûr û bakurê Kurdistanê de bi pileya 4.7 edhej çêbû. Erdhej, li Colemêrgê jî hate hîskirin.
Di daxuyaniya TÎHV, ÎHD û TTB'ê de hat destnîşankirin ku di sala 2022’yan de li girtîgehan 83 mirinên biguman çêbûne. Her wiha di heman salê de li cihên fermî û nefermî yên binçavkirinan de 4 hezar û 275 kes rastî îşkence û miameleya xerab hatine.
Li Amedê heqê wesayîtên nava bajar ji 6,5 TL’an derket 10 lîreyan.
Li Hondurasê piştî pevçûna çekdarî ku 24 kes mirin, ji bo 15 rojan qedexeya derketina derve hate îlankirin.
Di doza Mîraç Mîroglû de ji bo tespîtkirina lez wesayîtê dosya jinûve şandin ATK’ê. Di girtekên têkildarî bûyerê hatibû gotin ku Mîroglû gelek mîtroyan li erdê hatiye kaşkirin û ev yek îdiaya bersûc a “Min wesayît bilez neajotiye” diderewîne.
Ferît Orak ku piştî 14 salan ji Girtîgeha Bolûyê derket, destnîşan kir ku di girtîgehan de tecrîdeke mûtleq heye û wiha got: “Li girtîgehan maf nîne ku behsa binpêkirinê bê kirin. Pêwîste parazvanên mafên mirovan, hêzên demokrat û siyasî zêdetir xwedî li girtiyan derkevin.”
Li gelek navçeyên Meletiyê lêgerîna madenan bi destûra raporên ÇED'ê berdewam dike û bandoreke mezin li xwezaya bajêr dike. Berdevka MALÇEP'ê Parêzer Gul Erdogan derbarê talankirina xwezayê de destnîşan kir ku Meletî bi raporên ÇED'ê ji aliye şîrketên madenan ve hatiye dorpêçkirin û xwezaya bajêr tê talankirin.
Rêveberê MED TUHAD-FED’ê parêzer Yûsûf Çakas diyar kir ku sedemê binpêkirinên mafan ên li girtîgehan zêde bûne tecrîda li Îmraliyê ye û bang kir ku li dijî zextan li dora malbatên girtiyan bibin yek.