Bi hezaran kes ji bo protestokirina tecrîda girankirî ya li ser Rêberê PKK’ê Abdullah Ocalan û azadiya wî ya fîzîkî, li Bakurê Rojhilatê Sûriyeyê daketin qadan. Çalakvanan banga mezinkirina têkoşînê kirin.
Çalakiya Nobeta Edaletê ya Malbata Şenyaşar didome. Malbatê têkildarî ev peyam parve kir: “Edaleta em lê digerin ji bo her kesî ye.”
Hat îdiakirin ku Gulbahar Ormek a li Amedê ji ber sextekariyê ji partiya xwe hatibû avêtin û piştre jî bi navê “Cesur Yurek” şahidiya nepen dikir, li Almanyayê bi bihayê 5 milyon euroyan sextekarî kiriye.
Parêzerên ji Bakur û Rojhilatê Sûriyeyê ji bo hevdîtina bi Rêberê PKK’ê Abdullah Ocalan re serî li NY’yê dan.
Çalakiya greva birçîbûnê ya bêdem û bêdorveger ku Mazlum Dag û Abdurrahman Er li Girtîgeha Hewlêrê li dijî binpêkirinan daye destpêkirin di roja 53'yemîn de didome.
Girtiyê bi navê Muhammed Mahmûd Dervîş di dema têkoşîna li dijî DAIŞ’ê de ji hêla OSO’yê ve hate girtin û rastî her cureyên îşkenceyê hat. Piştre jî radestî dewleta tirk hate kirin û heman îşkence li girtîgehên Tirkiyeyê jî dom kir. Dervîş ku dibêje “Her cureyên îşkenceyê li min hatin kirin”, bi sala ye li malbata xwe digere.
Nebî Yavûz ku 30 sal û 6 mehan di girtîgehê de ma û hate berdan, li warê xwe Nisêbînê bi girseyî hate pêşwazîkirin.
Girtiyê nexweş Bişar Yazici ku li nexweşxaneyeke Amedê dihat tedawîkirin, jiyana xwe ji dest da. Cenazeyê Yazici li navçeya Qelqeliyê hate definkirin.
Iraq û Îranê ragihandin ku ji bo avakirina qereqoleke hevpar a li ser sînor lihev kirine.
Danişîna 5’an a cerdevan Ramazan Babat ku bi sûcê destdirêjiya li dijî zarokê tê darizandin dê sibe li 3’yemîn Dadgeha Cezayên Giran a Şirnexê bê lidarxistin.
Li Erzînganê minîbûsek wergeriya. Di qezayê de 4 kesan jiyana xwe ji dest dan û 10 kes jî birîndar bûn.
Rojnameger Agîd Roj ku li Efrînê dijî der barê 'Navenda Çandê' ya ji aliyê Weqfa Barzanî ve li Efrînê hat vekirin de bi lêv kir ku PDK û ENKS hevkariya dagirkirina Efrînê dikin û got: "Dewleta tirk ji bo di raya giştî de pêşya nîqaşên qirkirina kurdan bigire Weqfa Barzanî, PDK û ENKS'ê weke aparat bi kar tîne."
Hat diyarkirin ku tenduristiya Halîse Aksoy a girtî ku cenazeyê kurê wê bi kargoy re jê re hatibû şandin, xirab dibe. Parêzer Ecatî Çîçek, diyar kir ku di dosyeyê de delîleke berbiçav tune ye û got ku divê bê berdan.
Hevserokê DFG'ê Serdar Altan ê girtî, diyar kir ku ew ê di danişîna ewil a di 11'ê Tîrmehê de hesab bipirsin û ji bo beşdariyê bang li raya giştî kir.
