Li Girtîgeha Antalyayê ya Ewlehiya Bilind 8 girtiyên ku telên rêsayî ji ber paceyan rakiribûn, bi îdiaya “xesar dane malê cemaweriyê” li her yekê 10 meh cezayê hepsê hat birîn.
Meşa Dayik/Mirovên Şemiyê û serokên baroyan a ber bi Qada Galatasarayê ve hate astengkirin. Polîsan gelek kes kirin binçavan.
104 kesên ku di nav de rewşenbîr, rojnamevan, nivîskar û hunermend jî hene, ji bo rojnamevan Merdan Yanardag ê ku ji ber rexnekirina tecrîda li ser Rêberê PKK'ê Abdullah Ocalan hatibû girtin, dest bi kampanyayê kirin.
Di şerê li dijî başûrê Kurdistanê de leşkerek hat kuştin.
Serlêdanên ji bo pêşbirka Xelatên Rojnamevaniyê yên Mûsa Anter û Şehîdên Çapemeniya Azad dest pê kir. Serlêdana dawî dê heta 10’ê îlonê be. Xelat dê di 18’ê îlonê de bên eşkerekirin.
Li Îmraliyê ji bo hevdîtinê bi parêzerên xwe û malbata xwe re neke, li ser hev du "cezayê dîsiplînê" li Rêberê PKK'ê Abdullah Ocalan tê birîn. Hat zanîn ku "cezayeke dîsiplînê" yê din jî li Ocalan hatiye birîn.
Rojnamevan nivîskar Huseyîn Aykol diyar kir ku welatên YE endamtiya Tirkiyeyê naxwazin û got plana herî şênber a YE bi Tirkiyeyê re “bazariya penaberan” dike ye.
Parlamenterê Partiya Çepên Kesk ê Mûşê Sezaî Temellî diyar kir ku Peymana Lozanê li Rojhilata Navîn û Tirkiyeyê belgeya neçareserkirinê ye û got ku meseleya kurd dînamîkeke diyarker e û ji bo çareseriyê jî îşaret bi paradîgmaya Rêberê PKK'ê Abdullah Ocalan kir.
Li Girtîgeha Aydinê hatibû îdiakirin ku Yilmaz Ekîncî xwe kuştiye. Malbatê û parêzerê dozê, anîn ziman ku biryara beraetê ya di dozê de qebûl nakin û gotin ku di dema darizandinê de dadgehê hemû delîl û daxwaz ji nedîtî ve hatine û hewl daye ser bûyerê bigire.
Serokê Şaxa ÎHD’a Wanê Firat Dûrmaz destnîşan kir ku sedema tecrîdê ji ber neafirandina rêbazên siyasetê pêk tê û got: “Têkoşîna li dijî tecrîdê şert e."
Welatiyên li Amedê beşdarî civînên jinûve avakirinê bûn û pêşniyarên xwe kirin ev peyam dan: “Yekane daxwaza gel azadî ye.”
Hat îdiakirina ku li Qoserê ciwanê bi navê Yûsûf B. xwe kuştiye.
Dadgeha Bilind, cezayê ku li rojnamevanên Gerînendetiya Weşanê ya Nobedar a Rojnameya Ozgur Gundemê kiribûn hatibû birîn pesend kir.
Ji ciwanên ku di bîranîna Komkujiya Pirsûsê de hatibûn binçavkirin, 2 jê hatin girtin.