Çiyayê Gabarê ku ev 30 sal in qedexe ye, di encama birîna daran û lêgerîna petrolê ya 3 salan de tê talankirin. Gundiyên ku 30 sal in nikarin biçin gundên xwe yên li quntara çiyê, bertek nîşanî vê rewşê dan û wiha gotin: “Dest ji vê qirkirinê berdin.”
Li Mêrsînê bi ser gelek malan de hate girtin û di encama serdegirtinên malan de 11 kes hatin binçavkirin.
Di êrişên dewleta tirk ên li dijî herêmên Zap, Metîna û Avaşîn ên Herêma Federe ya Kurdistanê de leşkerek hate kuştin.
Li Meletiyê bi pileya 5.3 erdhej çêbû. Gelek bajar bi erdhejê hesiyan.
DEDAŞ’ê li navçeya Serêkanî ya Rihayê bi hinceta “deynên xwe nedanê” ceyrana malan û çandiniyê ya 7 gundan birî.
Endamê MYK’a HDP’ê Can Memîş diyar kir ku dozger di Doza Kobanê Kobanê de li ser texmînan sûcan diafirîne û wiha got: “Dozger mîna dayik û bavê min, derengçûna min a malê, geriyana min kiriye pirsgirêk. Ev tişt, di hiqûqa cezayê de asteke nû ye.
Ji ber ku li Nexweşxaneya Perwerde û Lêkolînê ya Mêrdînê klîma naxebitin, xizmên nexweşan ji bo xwe hênik bikin vantîlatoran bi kar tînin. Serbijîşk Mehmet Kabak jî xwe bi gotina “xerabe bûye” parast.
Hewza ava vexwarinê ya li Zirganê hate bombebarankirin.
HPG’ê bi daxuyaniyekê ragihand ku di encama pevçûnên 24 saetên dawî de 32 leşker hatine kuştin.
Wezareta Parastinê ragihand ku hejmara leşkerên di “gulebarana tacîzê” de hatine kuştin derket 6'an.
13 kesên li Cadeya Îstîklalê dolar belav kirin, bi îdiaya “Ji bo kîn û dijminatiyê gel sor kirine” hatin binçavkirin.
Serokê Dewletê yê Sûriyeyê Beşar Esad wiha got: “Tirkiye, sedema terora li Sûriyeyê ye. Ma ez ê çima bi Erdogan re hevdîtinê bikim? Ji bo bên ba hev û hinek tiştan vexwin?”
Rêveberiya Xweseriya Demokratîk a Herêma Firatê êrişa dewleta tirk a li dijî Eyn Îsayê ku 3 kes hatibûn qetilkirin şermezar kir û bang li hêzên navneteweyî kir ku dawî li dagirkeriya dewleta tirk bînin.