Lijneya Çavdêrî û Îdareyê ya Girtîgeha Tîpa F a Hejmara 1’an a Sîncanê, berdana Hevşaredarê Dêrsimê yê berê Mehmet Alî Bûl, bi hinceta “rîska ku sûc bike zêde ye” taloq kir.
Tevî ku qeyûmê Şaredariya Cizîrê ji bo îhaleya dermankirinê 6 milyon lîre û ji bo makîneya dermankirinê 400 hezar lîre xerc kirine jî welatî ji ber mêşûmoran nikarin derkevin derve.
Girtiyê nexweş Onder Poyraz herî dawî felc derbas kir, nikare destê xwe yê rastê bi kar bîne û di hûcreyê de tê ragirtin. Hevjîna wî Fîrdevs Poyraz têkildarî rewşa hevjînê xwe wiha got: "Êdî nikare destê xwe yê rastê bi kar bîne û tiliyên destê wî jî tewiyane."
Hevberdevkê Înîsiyatifa ji Abdullah Ocalan re Azadî ya Bakur û Rojhilatê Sûriyeyê Îdrîs Saîd diyar kir ku rayedarên CPT'yê yên ku wan pê re hevdîtin kirine gotine ku ew ê di navbera xwe de têkildarî tecrîda li ser Îmraliyê civînekê pêk bînin û anî ziman ku heta azadiya fizîkî ya Ocalan pêk were ew ê têbikoşin
Parlamenterê Partiya Çepên Kesk ê Mêrsînê Alî Bozan ê li Tarsûsê bi dikandaran û gel re civiya wiha got: “Heta ku tecrîda li ser Abdullah Ocalan ranebe pirsgirêka kurd çareser nabe.”
Ji 15 gundiyên li gundê Peyindas ê girêdayî navçeya Tetwanê hatin binçavkirin agahî nayê girtin.
Li Cizîrê li zozanên gundê Dîrseklî yê nêzî qereqola leşkerî ya Zoranê şewat derket. Hate diyarkirin ku mudaxile li şewata didome nehatiye kirin.
Wezîra Koç û Koçberan ya Iraqê Îvan Fayeq ragihand ku 293 koçberên êzidî vegeriyane Şengalê.
Li gorî daxuyaniyên AFAD û Rasatxaneya Kandîlliyê di nava rojê de li Îzmîr, Mereş, Meletî, Edene û Çewlîgê erdhej çêbû.
Balafireke Biçek û Bêmirov a dewleta tirk li ser rêya navçeya Pênciwênê ya girêdayî Silêmaniyê wesayîteke sivîlan bombebaran kir. Hate aşkerekirin ku 3 kesan jiyana xwe ji dest dane.
Partiyên siyasî û rêxistinên civaka sivîl ên Wanê ji ber qutkirina avê bertek nîşanî rêveberiya qeyûm dan.
Nobeta Edaletê ya Malbata Şenyaşar îro jî berdewam kir. Ferît Şenyaşar ji Meclisê heta Wezareta Dadê meşiya û xwest bi wezîrê dadê re hevdîtinê bike. Lê destûr nehate dayîn.
ÎHD, OHD û Baroya Rihayê rapora xwe ya têkildarî girtiyên nexweş eşkere kirin û gotin ku divê mekanîzmayên serbixwe bên avakirin û mercên li gorî rûmeta mirovan bên avakirin.
Li gundê Derêsor ê li quntarê Çiyayê Cûdî û li gundê Newala Îsa Axa ya girêdayî Cizîrê şewat derket.