Siyasetmedara kurd Gultan Kişanak a xwişka xwe winda kir, spasiyên xwe pêşkeşî hemû kesên ew di roja wê ya xemgîn de bi tenê nehiştin kirin û bal kişand ser girîngiya piştevanî û yekitiya li dijî êrişên li ser gelê kurd.
Parlamentera Partiya Çepên Kesk Ceylan Cupolo Akça diyar kir ku şewatên li Kurdistanê û şêweya mudaxilekirinê polîtîk e û wiha got: “Em ê weke gelê kurd li dijî vê helwesta siyasî û dijminane em ê şêweyên xwe yên mudaxileyê pêş bixin.”
Pêşiya çemê ku li mezraya Îsyan a gundê Bêruh a navçeya Rûbarokê diherike, bi qenala ku leşkeran kolan hate girtin. Gundiyên ku nikarin xwe bigihînin avê, nikarin ji bo çandiniyê avdanê bikin.
Li qada daristanê ya Deriyê Lawa ku li bajarokê Sêgirkê yê navçeya Qilebanê ye şewat derket.
Li Dîgorê ji bo êrişa li dijî Dîlber Alinak daxuyanî hate dayîn. Parlamentera Partiya Çepên Kesk Gulistan Kiliç Koçyîgît got ku çavkaniya tundiya îro, AKP bi xwe ye.
Şemsettîn Tekîn ku li Girtîgeha Tîpa T a Otluyê dihat ragirtin, piştî 30 salan hate berdan. Tekîn, wiha got: “Em bi serbilindî derketin.”
Li Mêrdînê wesayîta ku jin dibir zozanên Xursê gêr bû û di qezayê de 8 jin birîndar bûn.
Li gundê Peyindis ê Tetwanê operasyona leşkerî hatibû destpêkirin û hêj didome. Ji şêniyên gund Huseyîn Arvas got ku leşker dozeran dibin çoltarê gundê wan û wiha got: "Em tu agahiyan ji birayê min Ekrem Arvas û Fetûllah Arvas tu agahiyan nagirin. Ji ber jiyana wan fikarên me hene."
Endamê Konseya Rêveber a KCK’ê Mûrat Karayilan diyar kir ku şerê li Herêma Federe ya Kurdistanê di navbera dewleta tirk û gelê kurd de ye û wiha bang li Serokê Giştî yê PDK’ê Mesûd Barzanî kir: “Divê hûn êdî dev ji siyaseta piştgiriya bi Tirkiyeyê re berdin.”
Ji bo navçeya Geverê ya li ser sînorê Herêma Federe ya Kurdistanê sewqiyata leşkerî hate kirin.
KCK’ê diyar kir ku dewleta tirk di êrişên xwe yên bi SÎHA’yan ên li dijî Herêma Federe ya Kurdistanê û Bakur û Rojhilatê Sûriyeyê de gelê kurd hedef digire û banga lidarxistina protestoyan li gelê kurd kir.
Nûnerê sendîkayê Ferhat Demîr destnîşan kir ku li Wêranşarê piştî 8 salan raye kete destê SES'ê û wiha got: "Bi vê yekê re mobbînga li dijî kedkarên tenduristiyê dest pê kir. Em ê li cem kedkaran cih bigirin."
Li Şaredariya Geverê ya di bin rêveberiya qeyûm de, endamên Meclisa Şaredariyê yên AKP’î, rêveberên AKP’î û xizmên wan di bin navê “mulaqatê” de girtin kar.
Parêzer Kahraman Ozçagin diyar kir ku doza Komkujiya Dîgorê li ser kaxizê tê meşandin û bal kişand ser helwesta darazê û anî ziman ku faîl tên xelatkirin.
Esnaf Ramazan Şîmşek destnîşan kir ku ew hewl didin Kuçeya Hunerê ya ji ber polîtîkayên şerê taybet bûye navenda fihûş û hişbirê bigûherînin û wiha got: “Amed dê bi nasnameya xwe ya cewherî van polîtîkayan pûç bike.”