Hevberdevkê Partiya Çepên Kesk a Amedê Abbas Şahîn diyar kir ku amadekariyên mitînga 1’ê Îlonê Roja Aştiyê ya Cîhanê temam bûne û wiha got: “Banga me li tevahiya gelê me ew e ku tev li mitîngê bibin.”
Dewleta tirk û komên wê yên paramîlîter îro di danê sibehê de êrişî Minbicê kirin. Êrişên li gundê Ewn Dadatê hatin têkbirin. Di êrişan de 4 zarok hatin qetilkirin.
Rojnamevan Îkram Balekanî peymana ji bo bêçekkirina partiyên kurd ên ji Rojhilat nirxand û got ku divê partiyên kurd li dijî tesfiyekirinê, bi PJAK'ê re tifaqê çêbikin.
Berdevkê Hewldana 78’iyan Celalettîn Can beriya were girtin ji ajansa me re axivî û wiha got: “Rojekê dê li vî welatî azadî û demokrasî serwer be. Di wan rojên xweş de em ê bi hev re govendê bigerîni. Ji ber ku li dijî zextan mafê herî mezin berxwedan e.”
Hevseroka TUHAY-DER a Wanê Edîbe Babûr diyar kir ku li girtîgehan êrişên herî mezin li ser jinan e û got: "Armanca desthilata AKP-MHP'ê ew e ku jinan teslîm bigire. Lê li dijî vê berxwedaneke bêhempa heye."
Zozanên Feraşînê ji çar aliyan ve di bin dorpêça leşkeran de ye û li ser her girekê wê leşker hatine bicihkirin. Şêniyên Feraşînê diyar kirin ku bi dorpêça leşkerî re tu aramiya herêmê nema ye û êdî çi xweşî û xêra welatê xwe nikarin bijîn.
Welatiyên Rihayê ji ajansa me re axivîn û destnîşan kirin ku sedema krîza aborî polîtikayên şer ên dewletê ne û gotin ku divê edî ev şer bisekine û aştî pêk were.
Li gundê Çamîlî yê Qelqeliyê, leşkeran bi saetan malekê gulebaran kir. Hat diyarkirin ku 2 kesan jiyana xwe ji dest daye.
Parlementerên Amedê ji bo mitînga ku dê sibê li Qada Îstasyonê bê lidarxistin belavok belav kirin û gel vexwendin mitînga aştiyê.
Ji Emîne Şenyaşar ku li ber Wezareta Dadê nobeda xwe didomîne re gotin, “Wezîr ne li vir e” û wê negirtin avahiyê. Komeleya Înîsitîfa Maf jî diyar kir ku ew ê li cem Malbata Şenyaşar bin.
Li Şirnexê wesayîta zirxî li zarokekê 12 salî yê bi navê Tajdîn da. Hat zanîn ku rewşa zarokî giran e.
Berdevkê Hewldana 78’an Celalettîn Can ê ku derbarê wî de salek û 3 meh cezayê hepsê teqez bûye, li Edliyeya Stenbolê hat binçavkirin.
Li navçeya Şemrexê Kahraman Erdem ê di êrişek çekdarî de hat kuştin.
Serokê Şaxa Hejmar 3 yê Egîtîm Sen a Enqereyê Cemal Erdogan diyar kir ku di hevdîtinên TÎS’ê de sendîkayên nêzî îktîdarê diyarker in û wiha got: “Weke KESK’ê em ê li dijî bêhiqûqiyan têbikoşin.”