Kesên ji bo Meşa Azadiyê ji bajarên derdorê bi rê ketin, gihaştin Mêrsînê. Hevseroka Giştî ya HEDEP'ê Tulay Hatîmogûllari ku li vir axivî, got: "Heya tecrîda Îmraliyê ji holê rabe, dê têkoşîna me bidome."
Hevserokê Giştî yê DBP'ê Keskîn bayindir ku di daxuyaniya têkildarî astengkirina Meşa Azadiyê de axivî, got: "Zanibin ku helwesta me ya îro, helwesteke dîrokî ye. Ev rêya azadiyê ye, rêya yekîtiyê ye. Em ê bi ser bikevin, teqez em ê bi ser bikevin."
Piştî "Meşa Azadiyê" ya ku hat xwestin ber bi Gemlîkê ve bê lidarxstin hat astengkirin, parlementerên HEDEP'î rê girtin. Li semta Ofîsê jî ciwan bi dirûşmeyan bi dawî bû.
Mudaxileyê baskê “Meşa Azadiyê” ya Wanê ku bi daxwaza rakirina tecrîda li ser Rêberê PKK’ê Abdullah Ocalan û pêkhatina azadiya wî ya fizîkî tê kirin, hate kirin. Ciwan li kolanan bi dirûşmeya “Bijî berxwedana Îmraliyê” meşiyan.
Welatiyên ji Edene û Dîlokê bi dirûşmeyan ji bo “Meşa Azadiyê” derketin rê, di ketina Mêrsînê de gihiştin hev û dê ji vir berê xwe bidin Gemlîkê.
Parazvanên mafên mirovan li Stenbol, Îzmir û Enqereyê bal kişand ser rewşa girtiyên nexweş Demet Resuloglu ku rojê 16 îlacan dixwe, Civan Boltan û Salman Yildiz ên di yek hucreyê de tên girtin û xwestin demildest serbest bên berdan.
Xizmên Windayan û rêveberên ÎHD’ê li Amed û Êlihê li aqûbeta windayan pirsîn. Li Amedê li aqûbeta Mehmet Şîrîn Bayram û li Êlihê jî li aqûbeta Orhan Yakar hat pirsîn.
Li Wargeha Mexmûrê bi hezaran kesên tecrîda li dijî Rêberê PKK’ê Abdullah Ocalan tê pêkanîn şermezar kirin, “Meşa Azadiyê” ya ber bi Gemlikê ve hate destpêkirin silav kirin.
“Meşa Azadiyê” ya bi daxwaza tecrîda li ser Rêberê PKK’ê Abdullah Ocalan ku hevdîtina parêzer û malbata wî tê astengkirin, were rakirin û azadiya wî ya fîzîkî were pêkanîn her ku diçe berfirehtir dibe.
Dayikên Şemiyê di hefteya 973'yemîn de li Qada Galatasarayê kom bûn û li aqûbeta Nihat Aydogan ê di 1994'an de li mala xwe ya Mêrdînê hat girtin û carek din xeber jê nehat girtin, pirsîn. Di çalakiyê de hat gotin: "Em ê dev ji windayên xwe bernedin!"
ÎHD’ê di çalakiyên piştevaniyê yên bi Dayikên/Malbatên Şemiyê re de aqûbeta Nîhat Aydogan ê di sala 1994’an de hate binçavkirin û careke din agahî jê nehate wergirtin pirsî.
Navenda Lêkolînên Qadê ya Sosyo Polîtîk li bajarên bakurê Kurdistanê rapirsiya hilbijartina xwedihî kir û hat diyarkirin k udi rapirsiyê de ji sedî 9,2 dengên HEDEP’ê zêde bûne û meyla ciwanan li ser HEDEP’ê ye.
Nivîskar Fadil Ozturk û hevjîna wî Berrîn Bîcek Ozturk ên duh bi hinceta parvekirinên li ser medyaya dîjîtal hatibûn binçavkirin, bi biryara qedexeya derveyî welat hatin berdan.
Rêberê PKK’ê Abdullah Ocalan diyar kir ku asta tundiya li ser jinan gihîştiye asta hovîtiyê û got: “Ev mirin ji mirinên şer xerabtir in. Çareserî bi hiqûqa wekhevî û azadiyê ya jinan dikare pêk were.”