Berdevka HEDEP’ê Ayşegul Dogan diyar kir ku li her derê gel daxwaza azadiya Rêberê PKK’ê Abdullah Ocalan dike û wiha got: “Heke gel serî rake dikare her kesî azad bike.”
Parlamenterê HEDEP’ê Omer Ocalan destnîşan kir ku Rêberê PKK’ê Abdullah Ocalan li Rojhilata Navîn temînata aştiya mayînde ye û wiha got: “Heta ku birêz Abdullah Ocalan ji hêla fîzîkî ve azad dibe dê têkoşîna me bidome."
Şaxên Egîtîm Sen’ê ya Amedê encamên 14’emîn Pêşbirka Resman a Ceylan Onkolê eşkere kirin.
Di 22 salên îktîdara AKP’ê de 27 hezar komele û hezar û 282 weqf hatin avakirin.
Bi ser qetilkirina Serokê Baroya Amedê Tahir Elçî re 8 sal derbas bûn. Hevalê Elçî, parêzer Mehmet Emîn Aktar wiha got: “Ew gule li me tevan hate xistin.” Parêzer Mûstafa Ozer jî diyar kir ku Elçî kedekî mezin dabû têkoşîna gelê kurd.
Hejmara 39'an a Kovara Jinê bi boneya 25’ê Mijdarê bi berga ‘Li dijî tundiya mêr/dewletê rêxistin bibe, rabe berxwedanê!’ derket
Ji rojnameger Silêman Ehmed ku ji hêla Asayî Dihokê ya girêdayî PDK’ê ve hatiye binçavkirin, 33 roj in tu agahî nayên girtin.
Di encama êrişên dewleta tirk ên di nava 6 mehên dawî yên li dijî Bakur û Rojhilatê Sûriyeyê de 2 milyon û 150 hezar kes bêceyran man û hat ragihandin ku xesareke zêdetirî milyarek dolar gihiştiye herêmê.
Abdulbarî Yildirim ê 61 salî ku 30 sal in girtiye, ji ber ku ferzkirina "poşmanîtiyê" qebûl nake nayê berdan. Hevjîna wî Hanim Yildirim xwest dawî li vê bêhiqûqîtiyê bê.
Girtiya nexweş Rihan Kavak Ozbek bi awayekî destkelemçekirî hatibû muayenekirin. Rêveberiya girtîgehê daxwazanmeya Ozbek a di vî warî de bersivand û parast ku muayeneya hatiye kirin "li gor pêdiviyên tibbî ye."
Berdana girtî Cengîz Akkaya yê di Girtîgeha Tîpa T a Ereglî ya Konayayê de ku berê bi hinceta "ji rêxistinê veneqetiyaye" hatibû taloqkirin, careke din bi heman hincetê hat taloqkirin.
Midûriyeta Giştî ya Meteorolojiyê ji bo 67 bajaran bi kodên zer û torincî hişyar kir. Midûriyetê got ku li benda baraneke zêde û bagerê ne.
Li Şirnexê 3 rojnameger û 18’ê jinên hatibûn binçavkirin piştî îfadeya li midûriyeta polîsan hatin berdan.
Li Şirnexê jinan, binçavkirina rojnamevan û jinan a di çalakiya 25’ê Mijdarê de şermezar kirin.