Li Amedê ji bo 9 taxan biryara “îstîmlaqkirina lezgîn” hate dayîn. Di nava van taxan de zeviyên dikarin werin avdanê jî hene. Parêzer Ahmet Înan anî ziman ku ew ê ji bo biryarê îtîraz bikin û da zanîn ku ji ber vê biryarê avên dinerd di talukeyê de ne.
Ji rojnameger Silêman Ehmed ku ji hêla asayîşa PDK’ê ve hatiye binçavkirin, 56 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 23’yan de didome.
Koordînasyona Hilbijartinê ya DEM Partiyê ya Colemêrgê tespît kir ku li Şemzînan, Çelê û bajarokê Bajêrge yên ku di hilbijartina dawî de bûbûn yekem, 4 hezar û 799 hilbijêr hatine veguhestin.
Hat diyarkirin ku qeyûmê li Stewrê ku leşker û polîs wekî hilbijêr ber bi wir ve hatine neqilkirin, gef li dikandaran xwariye û gotiye "Ger AKP şaredariyê bi dest nexe dê xizmet neyê vir. Ez ji bo hilbijartinê hatime vir."
Nîqaşên der barê Şêx Seîd de ku piştî navê wî li bûlwarekê hat kirin dest pê kirin, dewam dikin. Kurd, li dijî nîqaşên nijadperestan xwedî li pêşeng, rewşenbîr û nivîskarên xwe derdikevin û li gelek bajaran wêneyên wan li meydanan daliqînin.
Endamê Desteya Rêveber a TÎHV'ê Prof. Dr. Umît Bîçer da xuyakirin ku sedema ku girtî li dijî tecrîda Îmraliyê di greva birçîbûnê de ne ew e ku desthilat di vê mijarê de gavên mayinde û saxlem navêje. Bîçer anî ziman ku divê pirsgirêk di çarçoveyeke ku "pergalên cuda yên hiqûqî nayên daxilkirin" de bê çareserkirin.
Jinên Botanî diyar kirin ku şikandina tecrîdê peywira jinan e û wiha gotin: “Divê jin bi şev û roj qet nesekinin. Ocalan ji bo azadiya jinan têkoşiya û divê jin jî ji bo wî têbikoşin.”
Bi ser erdhejên Mereşê re 11 meh derbas bûn lê hêj jî gelek avahiyên bixesar ên li navenda Mereşê nehatine hilweşandin û xetereyeke mezin ser jiyana gel çêdikin. Li hêla din ji ber xebatên rakirina kavilan ku li gorî mewzûatê nayên kirin, bajar di nava toz û dûmanê de ye.
DEM Partî û DBP'ê li avahiyên xwe yên li Sêrtê posterê Şêx Seîd daliqandin.
Parêzer Ebrû Akkal diyar kir ku di îdianameya Doza Kobanê de ji bilî nasnameya siyasetmedara Hevseroka Giştî ya DBP'ê ya berê Sebahat Tûncelê tu delîlên şênber nîn in û got: "Pêşî bersûc hatin afirandin û hat gotin, 'Em çawa dikarin van bersûcan bi 6-8'ê Cotmehê eve girêbidin.' Rapora Şaxa TEM'ê ya di dosyeyê de talîmata midûriyeta polîsan a ji bo dozgeriyê ye."
Hat zanîn ku di civîna MYK’a DEM Partiyê de biryar hate dayîn ku partî li bajarên rojavayê Tirkiyeyê bi namzetên xwe bikeve hilbijartinê.
Rojnameger-nivîskar Berrîn Sonme di panela “Îslam û kurd, du rastiyên Rojhilata Navîn” de axivî û wiha got: “Mafên ku îslamê dane jinan ji hêla zilaman ve hatin bisînorkirin. Lê jin ji bo ku van mafên xwe bi dest bixin, li her devera cîhanê li ber xwe didin.”
Hevşaredarê Êlihê Mehmet Demîr ku li şûna wî qeyûm hatiye tayînkirin bertek nîşanî daxuyaniya qeyûm a têkildarî “Febrîqaya Nan a Gel” da, îdiaya qeyûm derewand û wiha got: “Demekî kin ma. 4 meh piştre hûn dê hesabê dizî, nelirêtî û bêhiqûqiyan bidin.”